31 قازاندا ەكى ناۋقاس اۋرۋحاناعا وڭ جاق مىقىنعا وق اتۋ جانە سول جاق مىقىنداعى وق اسەرىنەن اشىق جارىلىس دياگنوزىمەن تۇسكەن. ەكى ناۋقاس تا مامانداندىرىلعان بولىمگە جاتقىزىلىپ, ولارعا مەديتسينالىق كومەك كورسەتىلدى.
ناۋقاستار الماتى وبلىسىنىڭ ىلە اۋدانىنان جەتكىزىلگەن ەكەن.
2 قاراشاداعى جاعداي بويىنشا ناۋقاستاردىڭ جاعدايى ورتاشا دەڭگەيدە قالىپ وتىر. ولار حاتتاما بويىنشا تولىق كولەمدە ەم قابىلدايدى", دەدى №4 قالالىق كلينيكالىق اۋرۋحاناسى باس دارىگەرىنىڭ ورىنباسارى اناربەك موڭعول, .
بۇعان دەيىن الماتى ماڭىنداعى بايسەركە اۋىلىنداعى دەمالىس ايماعىنىڭ يەسى مەن قىزمەتكەرلەرى وقتان جاراقات العانى حابارلانعان بولاتىن. دەمالۋشىلار قاقتىعىستىڭ كۋاگەرى بولدى, قىسقا ۆيدەو دا ءتۇسىرىپ, پوليتسەيلەردى شاقىردى.
الماتى وبلىسىنىڭ پوليتسيا دەپارتامەنتى دە بۇل قىلمىس وسى جىلدىڭ 31 قازانىندا ساعات 16.00 شاماسىندا دەمالىس ورىندارىنىڭ بىرىندە بولعانىن جوققا شىعارمادى.
"پوليتسياعا بەلگىسىز ادامدار قارۋدى قولدانىپ كىسى ولتىرمەك بولعاندىعى تۋرالى اقپارات ءتۇستى. قازىرگى ۋاقىتتا اتالعان فاكتى بويىنشا "كىسى ولتىرۋگە وقتالۋ" بابى بويىنشا سوتقا دەيىنگى تەرگەۋ باستالدى. كۇدىكتىلەردى انىقتاۋعا جانە ۇستاۋعا باعىتتالعان تەرگەۋ جەدەل ءىس-شارالارى جۇرگىزىلۋدە", دەدى دەپارتامەنت وكىلدەرى.
