يۋنەسكو-نىڭ «ادام جانە بيوسفەرا» باعدارلاماسىنىڭ (ماۆ) حالىقارالىق ۇيلەستىرۋ كەڭەسىنىڭ 32-ءشى سەسسياسىنىڭ وتىرىسى (International Co-ordinating Council of the MAB Programme) 2020 جىلدىڭ 27 جانە 28 قازانىندا ۆيرتۋالدى فورماتتا ءوتتى. كەزدەسۋدى وتكىزۋدىڭ تاڭدالعان فورماتى COVID-19 پاندەمياسىمەن بايلانىستى جانە كەزدەسۋگە قاتىسۋشىلاردىڭ قاۋىپسىزدىگىن قامتاماسىز ەتۋ ماقساتىندا ءتۇرلى ەلدەردەن تاڭدالدى.
يۋنەسكو-نىڭ «ادام جانە بيوسفەرا» باعدارلاماسىنىڭ حالىقارالىق ۇيلەستىرۋ كەڭەسىنىڭ 32-ءشى سەسسياسىنىڭ جۇمىسىنا قازاقستان رەسپۋبليكاسىنىڭ اتىنان يۋنەسكو-نىڭ «ادام جانە بيوسفەرا» باعدارلاماسىنىڭ قازاقستاندىق ۇلتتىق كوميتەتىنىڭ (ماۆ) مۇشەلەرى – رومان ياششەنكو جانە ۆيكتوريا يلينا, سونداي-اق قازاقستان رەسپۋبليكاسىنىڭ فرانتسۋز رەسپۋبليكاسىنداعى ەلشىلىگىنىڭ قىزمەتكەرى ءاليا بايساباەۆا قاتىستى.
يۋنەسكو-نىڭ «ادام جانە بيوسفەرا» باعدارلاماسىنىڭ قازاقستاندىق ۇلتتىق كوميتەتى (ماۆ) كارانتين رەجىمىمەن بايلانىستى بارلىق قيىندىقتارعا قاراماستان, يۋنەسكو-نىڭ دۇنيەجۇزىلىك بيوسفەرالىق رەزەرۆاتتار جەلىسىنە قوسۋ ءۇشىن 2 نوميناتسيالىق دەرەكناما دايىندادى. كوميتەت مۇشەلەرىمەن الماتى جانە باتىس التاي مەملەكەتتىك تابيعي قورىقتارى اكىمشىلىگى قىزمەتكەرلەرىنىڭ ۇيلەسىمدى جۇمىسىنىڭ ناتيجەسىندە قازاقستانداعى يۋنەسكو-نىڭ «ادام جانە بيوسفەرا» باعدارلاماسىنىڭ بيوسفەرالىق رەزەرۆاتتارىنىڭ ۇلتتىق جەلىسى ەكى جاڭا بيوسفەرالىق رەزەرۆاتپەن تولىقتىرىلدى.
حالىقارالىق دەڭگەيدە ارنايى ساراپتامالىق كەڭەس يۋنەسكو باعدارلاماسىنىڭ قازاقستاندىق ۇلتتىق كوميتەتى ۇسىنعان «ادام جانە بيوسفەرا» (ماۆ) قۇجاتتاماسىنىڭ يۋنەسكو-نىڭ «ادام جانە بيوسفەرا» باعدارلاماسىنىڭ كريتەريلەرىنە سايكەستىگىنە باعا بەرىپ, يۋنەسكو-نىڭ دۇنيەجۇزىلىك بيوسفەرالىق رەزەرۆاتتار جەلىسىنىڭ بيوسفەرالىق رەزەرۆاتتارى رەتىندە الماتى جانە باتىس التاي مەملەكەتتىك تابيعي قورىقتارىن ماقۇلداۋ مۇمكىندىگى تۋرالى شەشىم قابىلدادى.
وسىلايشا, بۇگىنگى تاڭدا يۋنەسكو-نىڭ «ادام جانە بيوسفەرا» باعدارلاماسىنىڭ بيوسفەرالىق رەزەرۆاتتارىنىڭ قازاقستانداعى ۇلتتىق جەلىسىندە 12 بيوسفەرالىق رەزەرۆات تىركەلگەن. بۇل ورتالىق ازيانىڭ باسقا ەلدەرىندەگى بيوسفەرالىق رەزەرۆاتتار سانىنان ەداۋىر اسىپ تۇسەدى. بيوسفەرالىق رەزەرۆاتتاردىڭ وسىنداي سانىنىڭ تانىلۋى قازاقستاننىڭ بيولوگيالىق ارتۇرلىلىگىن ساقتاۋ ماسەلەلەرىنە الەمدىك قوعامداستىقتىڭ نازارىن اۋداراتىنىن جانە ونى بولاشاق ۇرپاق ءۇشىن ساقتاۋعا ۇمتىلاتىنىن ايعاقتايدى.
يۋنەسكو-نىڭ «ادام جانە بيوسفەرا» باعدارلاماسىنىڭ (ماۆ) حالىقارالىق ۇيلەستىرۋ كەڭەسىنىڭ 32-ءشى سەسسياسىن وتكىزۋدىڭ قورىتىندىسى رەتىندە يۋنەسكو-نىڭ دۇنيەجۇزىلىك بيوسفەرالىق رەزەرۆاتتار جەلىسىنە ءارتۇرلى ەلدىڭ اۋماعىندا ورنالاسقان, ولاردىڭ ءبىرى ترانسشەكارالىق بولىپ تابىلاتىن 24 بيوسفەرالىق رەزەرۆاتتىڭ قوسىلۋىن ايتۋعا بولادى. وسىلايشا, 2020 جىلعى 29 قازانداعى جاعداي بويىنشا دۇنيەجۇزىلىك بيوسفەرالىق رەزەرۆاتتار جەلىسىنە الەمنىڭ 129 ەلىنىڭ اۋماعىندا ورنالاسقان 714 بيوسفەرالىق رەزەرۆات كىرەدى.
يۋنەسكو باعدارلاماسىنىڭ «ادام جانە بيوسفەرا» (ماۆ) قازاقستاندىق ۇلتتىق كوميتەتىنىڭ قىزمەتى تۋرالى تولىعىراق كوميتەتتىڭ رەسمي سايتىنان (www.kazmab.kz) بىلۋگە بولادى.
