جاڭارتۋلاردىڭ العاشقى لەگى 50 000 بلوگەرگە قۋانىش اكەلدى دەۋگە بولادى. ويتكەنى ينستاگرام وسىنشا ادامعا اقىلى ستيكەر تاراتتى. جازىلۋشى سانى ميلليونداعان بلوگەرلەر تىكەلەي ەفير ارقىلى اقىلى ستيكەرلەردى پايدالانۋ مۇمكىندىگىنە يە بولدى. ستيكەرلەردىڭ باعاسى 0,99, 1,99 جانە 4,99 دوللاردى قۇرايدى. ساتىپ العاننان كەيىن ولار تىكەلەي ەفير چاتىنداعى پايدالانۋشى اتىنىڭ جانىندا پايدا بولادى. ولاردىڭ كومەگىمەن كورەرمەندەر تىكەلەي ەفيردەگى ادامعا قولداۋ كورسەتە الادى. بۇل اۋىز تولتىرىپ ايتار جاڭالىق بولماسا دا, جاسوسپىرىمدەر مەن ينستاگرام فاناتتارى ءۇشىن قۋانىشتى جاڭالىققا اينالدى. اسىرەسە تانىمال بلوگەرلەرگە جازىلۋشىلارىنىڭ ىقىلاسىن بىلدىرەر «ويىنشىققا» اينالىپ ۇلگەردى دەۋگە بولادى.
ال ەكىنشى جاڭالىقتىڭ ءبىرشاما ماڭىزدى ەكەنىن اتاپ ءوتۋ كەرەك. ەندى ينستاگرامدا چات بوتتارىن قۇرۋعا بولادى. جاڭارتىلعان Facebook Messenger API-ءى باتىرمالارى مەن مەديا فايلداردى پايدالانىپ Direct-تەگى سۇرانىستارعا اۆتوماتتى تۇردە جاۋاپ بەرۋگە مۇمكىندىك تۋدى. سونداي-اق بۇل باتىرمالار كوررەسپوندەنتسيانى CRM-گە بىرىكتىرۋگە مۇمكىندىك بەرەدى.
ءۇشىنشى جاڭارتۋ ينستاگرامدا 15 سەكۋندىق قىسقا ۆيدەو-جازبا قالدىرۋعا قۇمار جاندارعا ارنالىپتى. ارينە, ولارعا ۇناي قويمايتىن جاڭالىق بولۋى مۇمكىن. ويتكەنى ادەتتە لەنتادان جىلتىڭ ەتە قالاتىن تۇتاس جارنامالاردىڭ ورنى ەندى Stories-Selection-عا اۋىستى. بۇل – جارنامانىڭ جاڭا فورماتى پايدا بولدى دەگەن ءسوز. مۇنىڭ ەرەكشەلىگى دە جوق ەمەس. ءبىر جارنامادا بىردەن بىرنەشە ءونىمدى كورسەتۋ مۇمكىندىگى قاراستىرىلعان. مۇندا تانىمال Instant Experience سياقتى شابلون نەگىزىندە جارناما جاساۋعا بولادى. دەسە دە, جاڭا فورمات ءالى بارلىق جارناما بەرۋشىلەرگە قولجەتىمدى ەمەس. قۇراستىرۋشىلار بۇل ءۇشىن ازداعان ۋاقىت كەرەك ەكەنىن ايتىپ وتىر.
