ەكى ايدىڭ ىشىندە بوي كوتەرگەن ەمدەۋ مەكەمەسى كومپيۋتەرلىك توموگرافپەن, ساندىق رەنتگەن اپپاراتىمەن, مەديتسينالىق گازدار جۇيەسىمەن, ۋدز, ەكگ, ءوجج جانە باسقا دا دياگنوستيكا جاساۋ جانە ەمدەۋگە قاجەتتى زاماناۋي اپپارات قۇرالدارىمەن جابدىقتالعان.
سونداي-اق, مەديتسينالىق مەكەمەدە قاۋىپسىزدىك دەڭگەيى جوعارى اقىلدى جەلدەتۋ جۇيەسى ورناتىلعان. پالاتالارداعى ءار توسەكتىڭ تۇسىندا پوست مەدبيكەسىن شاقىرۋ تۇيمەسى بار. وقشاۋلانعان بوكستارعا ارنايى چيپتەر ارقىلى عانا كىرۋگە بولادى. سونىمەن قاتار, مۇندا جانساقتاۋ بولىمىنە ارنالعان 20 توسەك تە قاراستىرىلعان.
ىشىنە ءبىر مەزگىلدە 200 ناۋقاستى جاتقىزۋعا بولاتىن گوسپيتالدىڭ جەزقازعان- ۇلىتاۋ وڭىرىندەگى مەديتسينالىق كومەكتىڭ قولجەتىمدىلىگى مەن ساپاسىن ارتتىرۋعا يگى ىقپالىن تيگىزەرى انىق.
بۇگىنگى كۇندە سۋ جاڭا اۋرۋحانادا ەلوردا, قاراعاندى جانە تاراز قالالارىنان ارنايى شاقىرىلعان بىلىكتى دارىگەرلەرى دايارلىق جۇمىستارىن باستاپ كەتتى.
قاراعاندى وبلىسى
