ءباسپاسوز كونفەرەنتسياسىندا ءسوز العان دەنساۋلىق ساقتاۋ ۆيتسە-ءمينيسترى, باس مەملەكەتتىك سانيتارلىق دارىگەرى ەرلان قياسوۆ تۇرعىندار سانيتارلىق-ەپيدەميالوگيالىق قاۋىپسىزدىكتى ساقتاپ, جاۋاپكەرشىلىكپەن قاراۋعا شاقىردى.
"شەكارا اسىپ, وزگە مەملەكەتتەرگە ۇشىپ جۇرگەندەر وزدەرىن عانا ەمەس, جاقىندارىن دا ويلاۋ كەرەك. پتر تەست وتپەگەندەر دە ۇشىپ جاتتى. وندايدا اۋە كومپانيالارى تەست ناتيجەسى جوق جولاۋشىلاردى وتكىزبەۋى كەرەك ەدى. تۇرعىندار دا ەپيدەميالوگيالىق جاعدايعا جاۋاپكەرشىلىكپەن قاراسىن", – دەدى دەنساۋلىق ساقتاۋ ۆيتسە-ءمينيسترى, باس مەملەكەتتىك سانيتارلىق دارىگەر ەرلان اڭساعان ۇلى.
بۇگىنگى تاۋلىكتە شىعىس قازاقستان وبلىسى بويىنشا 205 ناۋقاس تىركەلگەن. وزگە وبلىستارمەن سالىستىرعاندا بىرنەشە ەسەگە كوپ. ال قازان ايىندا كورونوۆيرۋس ينفەكتسياسىنىڭ سالدارىنان قايتىس بولعاندار سانى وسكەن ەكەن.
"قايتىس بولعانداردىڭ 6 پايىزى 60 جاستان اسقاندار. ال قالعانى كەش كەلگەندىكتەن, جان ساقتاۋ بولىمىنە تۇسكەن", - دەپ ءتۇسىندىردى شىعىس قازاقستان وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى رايفا سافيوللاقىزى.
وبلىستىق دەنساۋلىق ساقتاۋ باسقارماسى باسشىسى ورىنباسارىنىڭ ايتۋىنشا, كوروناۆيرۋس ينفەكتسياسى شىققاننان بەرى توسەك-ورىن 12 ەسەگە كوبەيدى. ال جانساقتاۋ بولىمدەرىندەگى توسەك ورىن 11 ەسە كوبەيگەن. جالپى وبلىستا 124 رەانيماتسيالىق توسەك-ورىن بار.
