ءبىر اپتا ىشىندە 16 مەن 24 جاس ارالىعىنداعى 90 جاس العاشقى مەديتسينالىق كومەككە, كوممۋنيكاتيۆتى داعدىلارعا وقىتىلدى جانە كوروناۆيرۋس پاندەمياسىنىڭ جازعى تولقىنىندا اۋرۋحانالاردا جۇمىس ىستەگەن ەرىكتىلەرمەن كەزدەستى.
"ۆولونتەرلەر مەكتەبى اياسىندا ءبىز ءۇش رەت ونلاين-ترەنينگ وتكىزدىك. تىڭداۋشىلار كوممۋنيكاتيۆتى داعدىلاردى يگەردى, رەسەي مەن قىرعىزستانداعى شەتەلدىك ارىپتەستەرىنىڭ تاجىريبەسىمەن تانىستى, سونىمەن قاتار پاندەميا كەزىندە جۇمىس ىستەگەن قازاقستانداعى مەديتسينالىق ەرىكتىلەرمەن جانە دەنساۋلىق ساقتاۋ سالاسىنىڭ قىزمەتكەرلەرىمەن اڭگىمەلەستى. تاجىريبەلىك ساباقتا ولار العاشقى مەديتسينالىق كومەك كورسەتۋدى ۇيرەندى – بۇل قان كەتۋدى توقتاتۋ, كۇيىكتەر مەن جاراقاتتارعا كۇتىم جاساۋ, جۇرەك-وكپە رەانيماتسياسى", دەدى جوبانىڭ ۇيىمداستىرۋشىسى, "قازاقستاننىڭ مەديتسينالىق جاستارى" رەسپۋبليكالىق قوعامدىق بىرلەستىگىنىڭ ۆيتسە-پرەزيدەنتى ءاليجان تۇرسىنتاي.
ونىڭ ايتۋىنشا, بولاشاقتا "ۆولونتەرلەر مەكتەبىنىڭ" كۋرسىن اياقتاعان ادامدار اۋرۋحانالار مەن ەمحانالارداعى مەديتسينا قىزمەتكەرلەرىنە كومەككە تارتىلاتىن بولادى.
قوزعالىسقا قوسىلۋعا نيەت بىلدىرگەندەردىڭ شامامەن 80%-ى ەلوردالىق مەديتسينا كوللەدجىنىڭ, قالعانى قالانىڭ باسقا ورتا ارناۋلى وقۋ ورىندارىنىڭ ستۋدەنتتەرى.
