قازاقستان • 29 قازان، 2020

Bek Air كليەنتتەرگە تاعى 33،8 ملن تەڭگە قايتارۋى ءتيىس

27 رەت كورسەتىلدى

بۇگىن الماتى قالاسىنىڭ تۇركسىب سوتى قازاقستان رەسپۋبليكاسى ساۋدا جانە ينتەگراتسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ "بەك ەير" اق اۋە اكومپانياسىنا قاتىستى توقتاتىلعان رەيستەرگە بيلەتتەر قۇنىن قايتارۋ تۋرالى تالاپ ارىزىن تولىق كولەمدە قاناعاتتاندىردى، - دەپ حابارلايدى Egemen.kz

تققك 535 ادامنىڭ مۇددەسىن قورعادى، تالاپ سوماسى 33،8 ملن تەڭگەنى قۇرادى.

ءبىر كۇن بۇرىن پروكۋرور تققك "بەك ەير" اۋە كومپانياسىنا قاتىستى تالاپتارىن قولدادى.

تققك تالاپتارى:

1. "بەك ەير" اق قىزمەتتەرىن تۇتىنۋشىلارعا تۇتىنۋشىنىڭ كىناسىسىز جويىلعان رەيستەرگە بۇرىن ساتىپ الىنعان بيلەتتەرىنىڭ تولىق قۇنىن وتەۋ قۇقىعىن تانۋ

2. جاۋاپكەردى تۇتىنۋشىنىڭ كىناسىز جويىلعان رەيستەرگە بۇرىن ساتىپ الىنعان بيلەتتەردىڭ تولىق قۇنىن وتەۋگە ءماجبۇر ەتۋ;

3. "بەك ەير" اق-نان تۇتىنۋشىلار پايداسىنا اۆيابيلەتتەر ءۇشىن تولەنگەن سومانى ءوندىرىپ الۋ.

ەسكە سالايىق، بۇل تققك اۆياكومپانياعا قاتىستى ءۇشىنشى تالابى. بۇعان دەيىن، 2020 جىلدىڭ 15 جانە 26 قازانىندا الماتى قالالىق سوتىنىڭ ازاماتتىق ىستەر جونىندەگى اپەللياتسيالىق سوت القاسى "بەك ەير" اق-نىڭ شاعىمدارىن قاناعاتتاندىرۋسىز، ال ءبىرىنشى ساتىداعى سوت شەشىمدەرىن وزگەرىسسىز قالدىردى.

وسىلايشا، تققك "بەك ەير" كومپانياسىنا قارسى ءبىرىنشى جانە ەكىنشى تالاپتارى بويىنشا سوت شەشىمدەرى زاڭدى كۇشىنە ەندى. ءارى قاراي قاراجاتتى قايتارۋدى جۇزەگە اسىرۋ "اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى" زاڭعا (بۇدان ءارى - زاڭ) سايكەس جۇزەگە اسىرىلاتىن بولادى، بىراق مەرزىمدى ايىپپۇلدار تۋرالى اتقارۋشىلىق قۇجاتتاردى، سونداي-اق زاڭنامالىق اكتىلەردە ورىنداۋدىڭ باسقا مەرزىمدەرى بەلگىلەنگەن جاعدايلاردى قوسپاعاندا (زاڭنىڭ 39-بابى) سوت ورىنداۋشىلارىنىڭ سوت شەشىمدەرىن ورىنداۋى اتقارۋشىلىق ءىس جۇرگىزۋ قوزعالعان كۇننەن باستاپ ەكى ايدان اسپاۋى كەرەك.

"بەك ەير" اۋەكومپانياسىنىڭ كليەنتتەرىنەن شاعىمداردىڭ كۇن سايىن تۇسۋىنە بايلانىستى، تققك سوتقا ءتورتىنشى تالاپ ارىزبەن جۇگىنبەكشى.

جالپى، تققك ۋاكىلەتتى ورگان رەتىندە قازاقستاندىقتاردى قورعاۋدى جالعاستىرادى جانە تۇتىنۋشىلاردىڭ بۇزىلعان قۇقىقتارىن قالپىنا كەلتىرۋگە كومەكتەسەدى.

سوڭعى جاڭالىقتار

ارالدا توتەنشە جاعداي جاريالانادى

ەكولوگيا • 18 ماۋسىم، 2021

ۇقساس جاڭالىقتار