قوعام • 28 قازان، 2020

قىزىلوردادا ينتەرنەت الاياق ۇستالدى

683 رەت كورسەتىلدى

قىزىلوردادا ينتەرنەت ارقىلى ادامداردىڭ سەنىمىنە كىرىپ، اقشاسىن العان الاياق ۇستالدى، – دەپ حابارلايدى Egemen.kz Polisia.kz سايتىنا سىلتەمە جاساپ.

جەڭىل پايدا تابامىن دەپ جوسپارلاعان الاياق 63 جاستاعى ازاماتتان “ارزان باعامەن دوڭگەلەك الىپ بەرەمىن” دەگەن جەلەۋمەن 1 ميلليون 200 مىڭ تەڭگەدەن  استام اقشاسىن الىپ، ۋادەسىن ورىنداماعان.

جاڭاقورعان اۋداندىق پوليتسيا ءبولىمىنىڭ قىزمەتكەرلەرى جەدەل-ىزدەستىرۋ جۇمىستارىنىڭ ناتيجەسىندە وسى قىلمىسقا قاتىسى بار دەگەن كۇدىكپەن جاڭاقورعان كەنتىنىڭ 33 جاستاعى تۇرعىنىن ۇستادى. بۇرىن قىلمىستىق جاۋاپكەرشىلىككە تارتىلعان الاياق كىناسىن تولىق مويىندادى.

قازىرگى ۋاقىتتا اتالعان فاكت بويىنشا قازاقستان رەسپۋبليكاسى قىلمىستىق كودەكسىنىڭ 190-بابىنىڭ 1- بولىگىمەن (الاياقتىق) سوتقا دەيىنگى تەرگەپ-تەكسەرۋ امالدارى جۇرگىزىلۋدە. بۇدان باسقا اۋدان پوليتسەيلەرى ونىڭ وسىعان ۇقساس باسقا دا الاياقتىق قىلمىستارىنا قاتىسى بار-جوعىن انىقتايدى.

سوڭعى جاڭالىقتار

دوللار قايتا قىمباتتادى

ەكونوميكا • بۇگىن، 11:55

ۇقساس جاڭالىقتار