قوعام • 28 قازان، 2020

سىبايلاس جەمقورلىقتىڭ الدىن الۋ باعىتتارى قارالدى

40 رەت كورسەتىلدى

تاراپتاردىڭ باستاماسى بويىنشا سىبايلاس جەمقورلىققا قارسى ءىس-قيمىل اگەنتتىگى مەن قارجى مينيسترلىگى باسشىلىعىنىڭ كەزدەسۋى ءوتتى، دەپ حابارلايدى Egemen.kz

نەگىزگى كۇن تارتىبىندە مەملەكەتتىك كىرىستەر، ىشكى مەملەكەتتىك اۋديت، قارجى مونيتورينگى، قازىناشىلىق جانە مەملەكەتتىك م ۇلىك ورگاندارىنداعى جەمقورلىقتىڭ الدىن الۋ باعىتى بويىنشا ءوزارا ءىس-قيمىل ماسەلەلەرىنە ارنالدى.

كەڭەسكە مينيسترلىكتىڭ جانە ۆەدومستۆولىق باعىنىستى كوميتەتتەردىڭ، ولاردىڭ اۋماقتىق بولىمشەلەرىنىڭ باسشى قۇرامىمەن قاتار سىبايلاس جەمقورلىققا قارسى قىزمەت جانىنداعى قوعامدىق كونسۋلتاتيۆتىك-كەڭەسشى ورگانداردىڭ وكىلدەرى قاتىستى.

كەڭەس بارىسىندا قىلمىستىق-قۇقىقتىق ستاتيستيكا بولىگىندەگى الاڭداتارلىق ۇردىستەردى كورسەتەتىن جەمقورلىققا قارسى كەشەندى مونيتورينگتىڭ، سونداي-اق كەدەندىك اكىمشىلەندىرۋ جانە ىشكى مەملەكەتتىك اۋديت سالاسىنداعى سىرتقى تالداۋلاردىڭ ناتيجەلەرى تالقىلاندى.

تاۋەكەلدەردىڭ نەگىزگى كەشەنى كەڭ ديسكرەتسيالىق وكىلەتتىكتەرمەن، جۇمىس ۇدەرىستەرىن اۆتوماتتاندىرۋدىڭ جەتكىلىكسىزدىگىمەن جانە بيزنەس-پروتسەستەردىڭ نەگىزگى كەزەڭدەرىندەگى ادامي فاكتورمەن بايلانىستى.

اگەنتتىك توراعاسى ا.شپەكباەۆ مينيسترلىك باسشىلىعىنىڭ ءوز قاتارىن تازا ۇستاۋعا، سىبايلاس جەمقورلىق تاۋەكەلدەرىن انىقتاۋ ساپاسىن قامتاماسىز ەتۋگە جانە ولاردى جويۋعا نيەت بىلدىرمەيتىن لاۋازىمدى تۇلعالارعا قاتىستى بەرىك ۇستانىمىنىڭ اسا ماڭىزدىلىعىنا نازار اۋداردى.

ول سالىق جانە كەدەن ورگاندارىنىڭ تۇتىنۋشىعا باعدارلانۋىن ارتتىرۋ قاجەتتىلىگى تۋرالى ايتا كەلىپ: "قارجى سالاسى ەرەكشە اشىقتىقتى، ايقىندىلىقتى جانە قولجەتىمدىلىكتى تالاپ ەتەدى. جەمقورلىق ءدال وسى قاعيداتتاردان سەسكەنەدى. جاڭا كوزقاراستاعى باسشىلار ازاماتتارمەن سىندارلى ديالوگ جۇرگىزە بىلۋىمەن جانە جاعدايدى جاقسى قىرىنا وزگەرتۋ نيەتىمەن ەرەكشەلەنەدى. جەمقورلىق قۇقىق بۇزۋشىلىقتار جاساۋعا بولماشى مۇمكىندىك بەرمەۋ ءۇشىن تسيفرلىق شەشىمدەر مەن قۇرالدار ەنگىزۋدى جەدەلدەتۋ قاجەت".

قارجى ءمينيسترى ەرۇلان جاماۋباەۆ: "مينيسترلىك قۇرىلىمىندا 5 كوميتەت پەن 3 ۆەدومستۆولىق باعىنىستى ۇيىم بار. سىبايلاس جەمقورلىققا قارسى ءىس-قيمىل شارالارىنا ەرەكشە ءمان بەرەمىز. بۇكىل سالا تۋرالى قوعامنىڭ جاعىمسىز پىكىرىن تۋدىراتىن سوتتالعان قىزمەتكەرلەردىڭ سانى الاڭداۋشىلىق تۋدىراتىنى ءسوزسىز. بۇگىنگى كەزدەسۋ قالىپتاسقان جاعدايدىڭ وزگەرەتىنىنە سەنىمىمىزدى بەكىتتى. ءبىز ءوزىن-ءوزى جەتىلدىرۋ بويىنشا كەشەندى شارالار قابىلداۋعا بەتتەدىك. اگەنتتىكتىڭ ۇسىنىمدارى مەن ۇسىنىستارىن ەسكەرە وتىرىپ، بىرلەسكەن كۇش-جىگەرىمىزبەن قالىپتاسقان قولايسىز ءۇردىستى وزگەرتە الاتىنىمىزعا سەنىمدىمىن".

سونداي-اق، قارجى ۆەدومستۆوسىنىڭ باسشىسى ەلەكتروندىق مەملەكەتتىك قىزمەت كورسەتۋ دەڭگەيىن 92%-عا جەتكىزۋگە نيەتتى ەكەنىن ءبىلدىردى.

قاتىسۋشىلار اگەنتتىكتىڭ "اتامەكەن" ۇكپ-مەن بىرلەسىپ ىسكە اسىرىپ جاتقان قازىنالىق تولەمدەردى زاڭسىز قوسا ەسەپتەۋمەن، اكىمشىلىك كەدەرگىلەر مەن كىدىرىستەرگە بايلانىستى ماسەلەلەردى قۇقىقتىق الاڭدا شەشۋگە باعىتتالعان بيزنەس پەن ينۆەستورلاردى سىبايلاس جەمقورلىققا قارسى سۇيەمەلدەۋ جونىندەگى جوبانى (12،5 ترلن تەڭگە كولەمىندەگى ينۆەستيتسيالارى بار 550-دەن استام كومپانيا) تالقىلادى.

وسى رەتتە اليك شپەكباەۆ: "كوبىنە قارجى سالاسىنىڭ قىزمەتكەرلەرى ازاماتتار مەن بيزنەستىڭ جەتكىلىكتى سەنىمىنە يە ەمەس. بۇل ءتاسىلدى وزگەرتۋ كەرەك. كاسىپكەرلەردى قولداۋ – بۇل ءسىزدىڭ ۇزاق مەرزىمدى ينۆەستيتسيالار تارتۋعا، ونىڭ ىشىندە ادامي كاپيتالعا، تەحنولوگيالاردى دامىتۋعا، جۇمىس ورىندارىن قۇرۋعا، ياعني ەلىمىزدىڭ بارلىق ازاماتتارىنىڭ ءال-اۋقاتىن ارتتىرۋعا قوسقان ۇلەسىڭىز بولماق".

قارجى مينيسترلىگى ازاماتتىق قوعامنىڭ بەلسەندى وكىلدەرى قاتارىنان باسشى تاعايىنداي وتىرىپ، "ادالدىق الاڭى" جوبالىق كەڭسەسى جۇمىسىنىڭ تيىمدىلىگىن كۇشەيتەدى. "كولەڭكەلى ەكونوميكانى تومەندەتۋ، بيزنەستى قورعاۋ جانە سىبايلاس جەمقورلىققا قارسى ءىس-قيمىل جونىندەگى جول كارتاسى"، سونداي-اق "قارجى مونيتورينگى ورگاندارىنداعى جەمقورلىققا قارسى 10 قادام" سىبايلاس جەمقورلىققا قارسى باعدارلاماسى ىسكە اسىرۋدىڭ جاڭا كەزەڭىنە كوشتى.

"اشىق بيۋدجەت" جوباسىنىڭ جەتەكشىسى راحىم وشاقباەۆ ازاماتتاردىڭ قارجىلىق ساۋاتتىلىعى تۋرالى ايتا كەلە، بىرلەسكەن ءتيىستى وقىتۋ ءىس-شارالارىن وتكىزۋ قاجەتتىگىن اتاپ ءوتتى. قارجى ۆەدومستۆوسى قازىناشىلىقتىڭ جانە "e-Planning" اقپاراتتىق جۇيەلەرىمەن ينتەگراتسيالاۋ بولىگىندە "اشىق بيۋدجەتتەردىڭ ينتەراكتيۆتى كارتاسى" جوباسىن ىسكە اسىرۋعا دا جاردەمدەسەدى.

ارىپتەستىكتى نىعايتۋ اياسىندا بيىل قازان ايىندا سىبايلاس جەمقورلىق تاۋەكەلدەرىنە سىرتقى تالداۋ جۇرگىزۋ ناتيجەلەرى بويىنشا ازىرلەنگەن ىشكى مەملەكەتتىك اۋديت كوميتەتىندە سىبايلاس جەمقورلىق تاۋەكەلدەرىن جويۋ جونىندەگى اگەنتتىك پەن قارجى مينيسترلىگىنىڭ بىرلەسكەن جوسپارىنا قول قويىلدى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار