سىرتقى ىستەر ءمينيسترىنىڭ ورىنباسارى مارعۇلان بايمۇحان 2021 جىلعى 10 قاڭتاردا بولاتىن پارلامەنت ءماجىلىسى دەپۋتاتتارىنىڭ سايلاۋىنا بايلانىستى قازاقستانعا كەلگەن ەقىۇ/دياقب سايلاۋ بويىنشا اعا كەڭەسشىسى الەكسەي گروموۆ باستاعان قاجەتتىلىكتەردى باعالاۋ جونىندەگى ەقىۇ ميسسياسىنىڭ وكىلدەرىن قابىلدادى.
قاجەتتىلىكتەردى باعالاۋ جونىندەگى ميسسيالار ەقىۇ-عا قاتىسۋشى ەلدەرگە سايلاۋ الدى احۋالدى تالداۋ جانە سايلاۋعا دايىندىق ماسەلەلەرىن ناقتىلاۋ ماقساتىندا سايلاۋعا بىرنەشە اي بۇرىن مەرزىمدە ءداستۇرلى تۇردە بارادى. ولاردىڭ مىندەتتەرىنىڭ ءبىرى دياقب تاراپىنان سايلاۋدى باقىلاۋدىڭ نەعۇرلىم قولايلى فورماتى بويىنشا ۇسىنىمدار ازىرلەۋ بولىپ تابىلادى.
كەزدەسۋ بارىسىندا تاراپتار COVID-19 پاندەمياسى جاعدايىندا حالىقارالىق باقىلاۋشىلاردى اككرەديتتەۋ ءراسىمىن ەگجەي-تەگجەيلى تالقىلادى.
