ەكولوگيا ءمينيسترى ماعزۇم مىرزاعاليەۆ دەپۋتاتتارعا ءتيىستى قۇجاتتى تانىستىردى.
جاڭا كودەكس قورشاعان ورتانىڭ احۋالىن جاقسارتۋعا باعىتتالعان. قۇجاتتاعى ماڭىزدى نورمالاردىڭ ءبىرى – "لاستاۋشى تولەيدى" ءپرينتسيپى. سونىمەن بىرگە ول وندىرىسكە ەڭ وزىق قولجەتىمدى تەحنولوگيالاردى ەنگىزۋدىڭ ارقاسىندا ەلىمىزدەگى ەكولوگيالىح احۋال جاقساراتىنىن اتاپ ءوتتى.
زاڭ جوباسىندا جەرگىلىكتى اتقارۋشى ورگاندار تۇسەتىن ەكولوگيالىق تولەمدەردىڭ ەسەبىنەن 100% پايىز كولەمىندە تابيعاتتى قورعاۋ ءىس-شارالارىنا قارجى بولۋگە مىندەتتى ەكەندىگى كورسەتىلگەن.
زاڭسىز قوقىس تاستاۋ ماسەلەسىن جۇيەلى تۇردە شەشۋ ءۇشىن جاڭا ەكولوگيالىق كودەكستە قوقىس شىعاراتىن كولىكتەرگە GPS-داتچيكتەردى مىندەتتى تۇردە ورناتۋ ماسەلەسى كوزدەلگەن.
