ونىڭ باستى ماقساتى – ازاماتتارعا ءوز دەپۋتاتتارىنا تىكەلەي سۇراق قويۋعا مۇمكىندىك جاساۋ. جوبا ازىرلەۋشىلەرى - "Zertteu Research ءىnstitute" قق ايتۋىنشا سايت ءماسليحات نەمەسە قر پارلامەنت ءماجىلىسى دەپۋتاتىنا ەلەكتروندى اشىقحات جولداۋعا مۇمكىندىك بەرەدى. مىسالى, اشىقحات كومەگىمەن اۋىل, اۋدان, قالا نەمەسە ەل بيۋدجەتى بويىنشا ساۋالدار جولداۋعا بولادى.
"Zertteu Research Institute" قق اناليتيگى التىناي نۇركەەۆانىڭ ايتۋىنشا, ء"ار جىلى كۇزدە ەلىمىزدىڭ ءماسليحاتتارى مەن پارلامەنتىندە كەلەسى جىل بيۋدجەتنىڭ جوباسى تالقىلانادى. بايقاۋىمشا, ازاماتتار بيۋدجەت جوباسىن تالقىلاۋ پروتسەسىنە قاتىستىرىلمايدى. كەيدە ءتىپتى, ازاماتتار ەلدىڭ, وبلىس, اۋدان, قالا, اۋىل بيۋدجەتىن ءوزى سايلاعان دەپۋتاتتار بەكىتەتىنىن بىلمەيدى".
salemdeputat.kz سايتىندا اشىقحات جولداۋ ءۇشىن ءتورت ارەكەت جاساۋ جەتكىلىكتى – اشىقحات تاڭداۋ, حات ماتىنەن جازۋ, تىزىمنەن دەپۋتاتتى تاڭداۋ جانە جولداۋ. حات دەپۋتاتتىڭ ەلەكتروندى پوشتاسىنا تۇسەدى.
