شىعىس قازاقستان وبلىسىنىڭ كولونيالارىندا جۇرگىزىلگەن ءتىنتۋ ناتيجەسىندە تىيىم سالىنعان 111 زات تاركىلەندى: 55 ۇيالى تەلەفون جانە 56 اكسەسسۋارلار (قۇلاققاپتار, زاريادتاعىشتار, اككۋمۋلياتورلار, ميني, فلەش جانە SIM-كارتالار).
"ىزدەستىرۋ ءىس-شارالارىن جۇرگىزۋدىڭ باستى ماقساتى - سوتتالۋشىلاردان كۇتپەگەن جاعدايلاردىڭ الدىن الۋ جانە كولونيالاردا زاڭدىلىق پەن ءتارتىپتى نىعايتۋ ءۇشىن تىيىم سالىنعان زاتتاردى الۋ. بۇل جۇمىستاردى جۇرگىزگەن كەزدە سوتتالۋشىلاردىڭ قۇقىقتارى ساقتالعانىن ايتا كەتكەن ءجون", دەدى شقو بويىنشا قىلمىستىق-اتقارۋ جۇيەسى دەپارتامەنتى باستىعىنىڭ ورىنباسارى, ادىلەت پولكوۆنيگى عالىمجان بالتاباەۆ.
ايتا كەتەيىك, شىعىس قازاقستان وبلىسىندا بارلىعى 11 كولونيا بار, وندا 4000-عا جۋىق سوتتالۋشى جازاسىن وتەپ جاتقاندىعى اتاپ ءوتىلدى.
