ايماقتار • 27 قازان، 2020

كارانتيننىڭ كەزىندە كوكپار تارتقان

28 رەت كورسەتىلدى

بۇگىنگى كۇنى قوعامدىق ءتارتىپ پەن ازاماتتاردىڭ قاۋىپسىزدىگىن ءتيىستى دەڭگەيدە قامتاماسىز ەتۋ ماقساتىندا قولعا الىنعان قاتاڭ شارالارعا قاراماستان كارانتين رەجيمىن بۇزۋ، تۋىستارىن جيناپ، توي جاساپ جاتقان ازاماتتار سانى ازايار ەمەس، - دەپ جازادى Egemen.kz

وسى جىلدىڭ 5 شىلدەسىنەن باستاپ جاريالانعان كارانتين شەكتەۋلەرىنىڭ ورىندالۋىن قامتاماسىز ەتەتىن مونيتورينگتىك ءموبيلدى توپتار جۇمىسى ناتيجەسىندە بۇگىنگى كۇنگە دەيىن 758 قۇقىق بۇزۋشىلىق انىقتالدى.

وتكەن سەنبىنىڭ كەشىندە قىزىلوردا قالاسىنىڭ 35 جاستاعى تۇرعىنى 60 ادامدى جيناپ، ۇيلەنۋ تويىن وتكىزگەن. كەلەسى كۇنى ارال اۋدانىندا دا 40-50 ادامنىڭ باسىن قوسقان توي وتكىزىلگەنى انىقتالدى.

سونىمەن قاتار،  وسى كۇنى جاڭاقورعان اۋدانى، ەكپىندى اۋىلىنىڭ تۇرعىنى كارانتين تالاپتارىن ساقتاماي، شامامەن 100-دەي ادام جيناپ، كوكپار ۇيىمداستىرعان. بۇل دەرەكتەر بويىنشا اكىمشىلىك حاتتاما راسىمدەلىپ، ءتيىستى ورىندارعا جولداندى.

قازان ايىنىڭ 15 – نەن باستاپ پوليتسيا دەپارتامەنتىنىڭ قىزمەتكەرلەرى پروكۋراتۋرا قىزمەتكەرلەرىمەن بىرلەسىپ "قاۋىپسىز قالا" جەدەل-پروفيلاكتيكالىق ءىس-شاراسىن وتكىزۋدە. شارا بارىسىندا  تىنىشتىقتى بۇزۋ  جانە قازاقستان رەسپۋبليكاسى زاڭناماسىنىڭ الكوگول ءونىمىن وتكىزۋ جونىندەگى تالاپتارىن بۇزۋ دەرەكتەرى انىقتالىپ، زاڭ شەڭبەرىندە اكىمشىلىك حاتتامالار تولتىرىلدى.

سونداي – اق، پوليتسەيلەر  قالا اۋماعىندا  ورنالاسقان  كومپيۋتەر كلۋبتارىنىڭ بىرىندە تۇنگى مەزگىلدە ويناپ وتىرعان 4 كامەلەتكە تولماعاندى انىقتادى. ولاردىڭ اتا – انالارىنا ايىپپۇل سالىندى.

سوڭعى جاڭالىقتار

سەمەيگە «سەرگەك» ورناتىلادى

ايماقتار • بۇگىن، 14:56

اكىم اقىنعا قۇرمەت كورسەتتى

ايماقتار • بۇگىن، 14:52

ۇقساس جاڭالىقتار