قوستاناي وبلىسىندا زەينەتكەرگە قاراقشىلىق شابۋىل جاساعان توپ مۇشەلەرى تاۋلىككە جەتپەي قۇرىقتالدى. تەكسەرە كەلگەندە, ونى ۇيىمداستىرۋشىنىڭ ايەل ادام ەكەنى انىقتالدى. ءبىر قىزىعى, توپتىڭ دەم بەرۋشىسى توناۋعا ۇشىراعان 72 جاستاعى قاريانىڭ جاقسى تانىسى ەكەن.
قوستاناي وبلىسىندا زەينەتكەرگە قاراقشىلىق شابۋىل جاساعان توپ مۇشەلەرى تاۋلىككە جەتپەي قۇرىقتالدى. تەكسەرە كەلگەندە, ونى ۇيىمداستىرۋشىنىڭ ايەل ادام ەكەنى انىقتالدى. ءبىر قىزىعى, توپتىڭ دەم بەرۋشىسى توناۋعا ۇشىراعان 72 جاستاعى قاريانىڭ جاقسى تانىسى ەكەن.
وبلىستىق ىشكى ىستەر دەپارتامەنتى ءباسپاسوز قىزمەتىنىڭ مالىمەتىنشە, وقيعا 18 قاراشا كۇنى ورىن العان. سول كۇنى تۇنگى ساعات 1 شاماسىندا كۇدىكتىلەر كولىك جالداپ, زەينەتكەر تۇراتىن اققۇدىق اۋىلىنا تارتىپ كەتەدى.
«32 جاستاعى ايەل اققۇدىق اۋىلىندا زەينەتاقى الاتىن قاريانىڭ تۇراتىنىن جاقسى بىلگەن. مۇنىڭ ۇستىنە, زەينەتكەردىڭ جالعىزباستى ەكەنى وزىنە ايان بولعاسىن, ول ارنايى توپ قۇرىپ, ونى توناۋدى ۇيىمداستىرۋعا بەكىنەدى. ال توپقا 1988 جانە 1990 جىلدارى تۋعان ەكى جاس جىگىتتى تارتادى», – دەلىنگەن حابارلامادا.
ولار كوزدەگەن ۇيلەرىنە كەلىپ, ونىڭ ەسىگىن سىندىرىپ, ىشكە كىرەدى دە, كەمپىردى پىشاقپەن قورقىتىپ, اقشا بەرۋىن تالاپ ەتەدى. قاراقشىلار قاريانىڭ اقشا جوق ەكەنىن ايتىپ قارسىلاسقانىنا قاراماستان, ءبولمەلەردى ءتىنتىپ ءجۇرىپ, 12 مىڭ تەڭگە تاۋىپ الادى. ولار بۇعان قوسا كەيۋانانىڭ ۇيالى تەلەفونىن دا الا كەتەدى.
مۇنىڭ ءبارىن بىلگەن بويدا زەينەتكەردىڭ كورشىسى دەرەۋ قۇقىق قورعاۋشىلارعا حابار بەرەدى. ول ارتىنشا جەتىپ كەلگەن پوليتسەيلەرگە توناۋشىلاردى سىرتتان باسقارىپ تۇرعان ايەلدىڭ ءتۇر-ءتۇسىن سۋرەتتەپ بەرەدى. ءتارتىپ ساقشىلارى وسى بەلگىلەرى نەگىزىندە ۇيىمداسقان ۇشەۋدى تاپ باستىرماي ۇستايدى.
قۇرىش نۇرىمبەت.
