"ەندى پايدالانىپ وتىرعان توپتىق سۋ قۇبىرلارىنىڭ جاعدايىنا توقتالساق. جوسپار بويىنشا, 2025 جىلعا دەيىن 11 توپتىق سۋ قۇبىرلارى قايتا جاڭارتىلىپ, جوندەلەدى. ونىڭ ىشىندە بىرقاتار سۋ قۇبىرلارى ۇزارتىلادى. وسىنىڭ ارقاسىندا بۇعان دەيىن ساپالى سۋى بولماعان 87 اۋىلدىق ەلدى مەكەن تازا اۋىز سۋمەن قامتاماسىز ەتىلەدى. 104 مىڭعا جۋىق ادامدى قامتيدى. سونىمەن قوسا, 321 اۋىلدىق ەلدى مەكەننىڭ اۋىزسۋ بەرۋ جۇيەسى جاڭارتىلاتىن بولادى. بۇل ءوز كەزەگىندە 525 مىڭ ادامدى قامتيدى", دەدى ول.
جالپى ءمينيستردىڭ ايتۋىنشا, "نۇرلى جەر" مەملەكەتتىك باعدارلاماسى اياسىندا 2025 جىلعا دەيىن توپتىق سۋ قۇبىرلارى جوبالارىنا 133 ملرد تەڭگەدەن استام قاراجات ءبولۋ جوسپاردا بار. ونىڭ ىشىندە جاڭادان سالۋعا 14,5 ملرد تەڭگە, ال قايتا جاڭارتۋعا 118,5 ملرد تەڭگە بولىنبەك. وسىنىڭ ەسەبىنەن الداعى بەس جىلدا جاڭادان 1,5 مىڭعا جۋىق شاقىرىم قۇبىر جەلىلەرى سالىنادى جانە 1720 شاقىرىمى قايتا جاڭارتىلىپ, قاجەتتى جوندەۋ جۇمىستارى جۇرگىزىلەدى.
"اتقارىلاتىن جۇمىستاردىڭ ارقاسىندا بۇرىن اۋىز سۋمەن قامتاماسىز ەتىلمەگەن 90 اۋىلدىق ەلدى مەكەنگە سۋ قۇبىرى تارتىلىپ, 105 مىڭ تۇرعىن ساپالى اۋىز سۋعا قولجەتىمدى بولادى. سونىمەن قاتار, 321 ەلدى مەكەننىڭ اۋىزسۋ بەرۋ جۇيەسى جوندەلىپ, جاڭارتىلادى. بۇل 520 مىڭنان استام ادامدى قامتيدى. جالپى, 5 جىل ىشىندە 3 مىڭنان استام شاقىرىم توپتىق سۋ قۇبارلارى سالىنادى. اۋىزسۋمەن قامتاماسىز ەتۋ كورسەتكىشىن ءجۇز پايىزعا جەتكىزۋ جوسپارلانعان. ەلدى مەكەندەردى اۋىزسۋمەن قامتاماسىز ەتۋ ماسەلەسى مينيسترلىكتىڭ ۇنەمى باقىلاۋىندا", دەدى ماعزۇم مىرزاعاليەۆ.
