قوعام • 27 قازان، 2020

ايىنا 400 مىڭ دانا بەتپەردە تىگەدى

23 رەت كورسەتىلدى

پاندەميا كەزىندە تاپتىرماس زاتتاردىڭ ءبىرى قورعانىش قۇرالدارى بولدى. الماتى وبلىسىندا اتالعان جابدىقتاردى شىعاراتىن تسەح جۇمىس ىستەيدى. كاسىپورىن اتاۋى – «تەحنو اۆيا گرۋپ» جشس. ءساۋىر ايىندا وبلىس ورتالىعى تالدىقورعان قالاسىنان اشىلعان ەدى. ەندى ورىستەرى كەڭەيىپ، تەكەلى قالاسىنان ورىن تەۋىپ وتىر.

تىگىن تسەحى ءبىر رەتتىك مەدي­تسينالىق بەتپەردەلەر، حالاتتار، كومبينەزوندار جانە باسقا دا ارنايى كيىمدەر شىعا­رادى. اتالعان سەرىكتەستىك في­ليالىنىڭ باسشىسى جارىل­قاسىن بولات­ ۇلىنىڭ ايتۋىن­شا، تسەحتىڭ الىپ جاتقان اۋماعى 350 شارشى مەتردى قۇرايدى. بۇگىندە ءوندىرىس ورنى 50 جوعارى جىلدامدىقتى، 10 ارنايى وندىرىستىك تىگىن ماشينالارىمەن قامتاماسىز ەتىلگەن. جۇمىس ورنىندا 70 ادام ەڭبەك ەتەدى. قىزمەتكەرلەر ەكى اۋىسىمدا جۇمىس ىستەيدى. العاشقى ەلۋى كۇندىز، قالعان جيىرما تىگىنشى كەشكە قىزمەتىنە كىرسەدى.

قادامىن ەندى باسقان كاسىپ­ورىننىڭ عۇمىرى ۇزاق بولارى ءسوزسىز. العاشقى كەزەڭنەن باس­تاپ كۇنىنە 18-20 مىڭ دانا، ايىنا 400 مىڭ دانا بەتپەردە تىگىپ وتىر. سونىمەن قاتار ايىنا 35 مىڭعا جۋىق حالات شىعارادى. بۇل جوسپاردى ىسكە اسىرۋ ءۇشىن 19 ملن تەڭگە قارجى بولىنگەن. ءىستىڭ العا باسۋىنا مىن­دەتتى تۇردە جۇيە كەرەك. وسى تۇرعىسىندا ءوندىرىس ورنى ەش­كىمنەن قالىسپايدى. بارلىق ارەكەتى مەن باعدارى الدىن الا دايىندالعان. ياعني قولعا العان ىستەرىندە رەتتىلىك بار.

تسەح باسشىلىعىنىڭ جوس­پارىنا سايكەس جۇمىس كەستەسى تولىق ازىرلەنگەن.

كاسىپورىن تامىز ايىنان باس­­تاپ جەكە كومپانيالارعا، ياعني مۇناي، ەنەرگەتيكا سالا­سىن­داعى ءوندىرىس ورىندارى ءۇشىن ارنايى كيىم ازىرلەي باستاعان.

جاۋاپتى تۇلعالار كاسىپ­ورىن جۇمىسىنىڭ الەۋمەتتىك سيپاتىنا ۇلكەن ءمان بەرۋدە. سوندىقتان تسەح قىزمەتكەرلەرى ءۇشىن تەكەلى قالاسى بويىنشا تاسىمالداۋ جانە تەگىن تۇسكى اس قاراستىرىلعان.

 

 

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار