مەديتسينا • 27 قازان، 2020

باستاپقى مەديتسينالىق-سانيتارلىق كومەككە ارنالادى

19 رەت كورسەتىلدى

2020 جىلعى 27-28 قازان ارالىعىندا قاراعاندى قالاسىندا قازاقستان رەسپۋبليكاسىنىڭ «Primary Health Care» ۇلتتىق قاۋىمداستىعى «قاراعاندى مەديتسينا ۋنيۆەرسيتەتى» كەاق-پەن بىرلەسىپ، ددۇ مەديتسينالىق-سانيتارلىق العاشقى كومەك كورسەتۋ بويىنشا ەۋروپالىق ورتالىعىنىڭ قاتىسۋىمەن مساك جونىندەگى الماتى دەكلاراتسياسىنىڭ 42 جىلدىعىنا، اكادەميك تورەگەلدى شارمانوۆتىڭ 90 جاسقا تولۋىنا جانە قاراعاندى مەديتسينا ۋنيۆەرسيتەتىنىڭ 70 جىلدىعىنا ارنالعان «COVID-19 – مساك ءۇشىن ۇلكەن ساباق» دەگەن تاقىرىپتا حالىقارالىق عىلىمي-پراكتيكالىق كونفەرەنتسيا وتكىزەدى.

فورۋم پوستكەڭەستىك كەڭىس­تىك­تەگى ەلدەردىڭ دەنساۋلىق ساقتاۋ ج­ۇي­ەسىنىڭ، العاشقى مەديتسينالىق كو­مەك­­تىڭ پاندەميا كەزىندەگى جۇ­مى­س­ىن­ىڭ قورىتىندىسىنا ارنال­عان اۋقىمدى ءىس-شارانىڭ ءبىرى بولماق.

كونفەرەنتسياعا ەلىمىزدىڭ مەم­لەكەتتىك حاتشىسى ق.كوشەر­باەۆ، دەنساۋلىق ساقتاۋ ءمي­نيسترى ا.تسوي، ددۇ-نىڭ مساك جونىن­دەگى ەۋروپالىق ورتالى­عىنىڭ باسشىسى مەليتتا ياكاب، ددۇ-نىڭ قازاقستانداعى ءوفيسى­نىڭ، شىعىس ەۋروپا مەن ورتا­لىق ازيا ەلدەرىنىڭ ۇزدىك حالىق­ارالىق ساراپشىلارى قاتىسادى. سونداي-اق دەنساۋلىق ساقتاۋ  سالاسى باسشىلارى مەن قازاق­ستاننىڭ بارلىق وڭىرى­نەن ۇلتتىق ساراپشىلار، وب­لىس­­تاردىڭ، رەسپۋب­لي­كالىق ما­ڭى­زى بار قالالار­دىڭ دەنساۋ­لىق ساقتاۋ باسقارما­لارى­نىڭ، الەۋ­مەتتىك مەديتسينالىق ساق­تان­دىرۋ قورىنىڭ جانە ۇكىمەتتىك ەمەس ۇيىمداردىڭ وكىلدەرى دە قاتىسادى.

كونفەرەنتسيا الاڭدارىندا وتاندىق جانە شەتەلدىك ساراپشىلار COVID-19 پاندەمياسىمەن كۇرەس بويىنشا پىكىر الماسادى.

ليتۆا رەسپۋبليكاسىنىڭ دەن­ساۋ­لىق ساقتاۋ ءمينيسترى، گرۋ­زيا­نىڭ ەڭبەك، دەنساۋلىق ساق­­تاۋ جانە الەۋمەتتىك قور­عاۋ ءمينيسترىنىڭ ءبىرىنشى ورىن­­باسارى، «روسپوترەبنادزور» ديرەكتورىنىڭ ورىنباسارى، ۋك­راي­نانىڭ ۇلتتىق دەنساۋلىق ساقتاۋ قىزمەتىنىڭ ديرەكتورى، تاجىكستان رەسپۋبليكاسىنىڭ دەن­ساۋلىق ساقتاۋ جانە حالىقتى الەۋمەتتىك قورعاۋ مينيسترلىگىنىڭ مساك رەفورمالارى جانە حالىق­ارالىق قاتىناستار باسقار­ماسى­نىڭ باستىعى، وزبەكستان رەس­پۋب­­ليكاسىنىڭ مساك جونىن­دەگى ۇلتتىق ۇيلەستىرۋشىسى، ازەر­باي­جان رەسپۋبليكاسى مينيسترلەر كابينەتى جانىنداعى مىندەتتى مەديتسينالىق ساقتاندىرۋ مەم­لەكەتتىك اگەنتتىگىنىڭ حالىق­ارا­لىق ىنتىماقتاستىق جونىن­دەگى ءبولىمىنىڭ باستىعى، مول­دوۆا مەملەكەتتىك مەديتسينا ۋنيۆەر­سيتەتىنىڭ پروفەسسورى جانە فورۋمنىڭ باسقا دا قاتىسۋشى­لارى ءوز تاجىريبەسىمەن بولىسەدى.

حالىقارالىق كونفەرەنتسيا باع­دارلاماسى بارىسىندا قاتى­سۋ­­شىلار قازاقستاندىق مەدي­تسي­­نا­نىڭ مايتالمانى، الەمگە اي­گىلى عالىم، اكادەميك تورە­گەل­دى شارمانوۆتى 90 جاسقا تولۋىمەن  قۇت­تىق­تاي وتىرىپ، ەلىمىز­دەگى جە­تەك­شى جوعارى وقۋ ورىندارى­نىڭ ءبىرى – قاراعاندى مەديتسينا ۋنيۆەر­سيتەتىنىڭ 70 جىلدىعىن اتاپ وتپەك.

فورۋمنىڭ باستى تاقىرىبى – قازاقستاننىڭ مساك بويىنشا تاجىريبەسى: COVID-19 پاندەمياسى كەزىندەگى تاجىريبە مەن شەشىمدەر جانە مەملەكەت باسشىسى ق.توقاەۆتىڭ 2020 جىلعى 1 قىركۇيەكتەگى قازاقستان حالقىنا جولداۋى شەڭبەرىندەگى مساك دامىتۋ ستراتەگياسى.

كوروناۆيرۋس پاندەمياسى بۇكىل الەمگە العاشقى مەديتسي­نالىق-سانيتارلىق كومەكتىڭ ماڭىزدى ەكەنىن تاعى دا دالەلدەدى. ادامزات ازاماتتاردىڭ ءومىرى مەن دەنساۋلىعىن ساقتاۋداعى مساك-تىڭ ءرولىن ايقىنداپ بەرگەن الماتى دەكلاراتسياسىنىڭ نەگىزگى قاعيداتتارىن مۇقيات ورىن­داعان جاعدايدا عانا كوروناۆيرۋس سياقتى ينفەكتسيالىق قاۋىپتەردى جەڭۋگە بولاتىنىنا تاعى دا كوز جەتكىزدى.

كونفەرەنتسيا جۇمىسى اياقتال­عاننان كەيىن قورىتىندى قۇ­جات دايىندالادى. ماقساتى – دۇ­نيە­جۇزىلىك دەنساۋلىق ساقتاۋ ۇيى­مىنىڭ قولداۋىمەن COVID-19 پاندەمياسىنا قارسى كۇرەستە مەم­لەكەتتەردىڭ دەنساۋلىق ساق­تاۋ جۇيەسىن بىرىكتىرۋ، جاڭا ينفەك­­تسيالىق اگرەسسيا كەزىندە پراك­تيكادان پايدالانۋ ءۇشىن حالىقارالىق ساراپشىلاردىڭ ۇسىنىستارىن ازىرلەۋ.

 

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار