كەيىنگى كەزدە وڭىردە 1-ساناتتى تاۋىق جۇمىرتقاسىنىڭ باعاسى 12%-عا وسكەنى بايقالدى. جەرگىلىكتى تاۋار وندىرۋشىلەردىڭ ايتۋىنشا, جۇمىرتقا قۇنى رەسەي اۋماعىنان جەتكىزىلەتىن جەم, گەربيتسيدتەر جانە شيكىزات باعاسى ورتا ەسەپپەن 20%-عا كوتەرىلگەن سوڭ ءوسىپ كەتكەن.
سونداي-اق شارۋا قوجالىقتارىندا شيكىزات باعاسىنىڭ وسۋىنە بايلانىستى كۇنباعىس مايى دا 2,4%-عا قىمباتتاعان. قازىر 1 توننا كۇنباعىس تۇقىمىنىڭ باعاسى 180-220 مىڭ تەڭگەگە جەتەدى. وتكەن جىلى 1 توننا كۇنباعىس تۇقىمى 100 مىڭ تەڭگە تۇراتىن. وبلىستاعى كۇنباعىس مايىن نەگىزگى ءوندىرۋشى «بەلەس-اگرو» جشس بۇل تاۋاردى شارتتىق مىندەتتەمە بويىنشا ساتىپ وتىر.
قانتتىڭ ورتاشا باعاسى دا 7,3%-عا كوتەرىلدى. بيىلعى ءونىم كولەمىنىڭ تومەندىگى, حالىق سۇرانىسىنىڭ ارتۋى رەسەي مەن بەلارۋستان كەلەتىن تاۋار باعاسىن ءوسىرىپ جىبەرگەن.
ال جەمىس-كوكونىس ونىمدەرىنىڭ, ماسەلەن, قىرىققابات باعاسىنىڭ 2,5%-عا كوتەرىلۋى ماۋسىمدىق اۋىتقۋلارىنا بايلانىستى.
باتىس قازاقستان وبلىستىق كاسىپكەرلىك جانە يندۋستريالدى-يننوۆاتسيالىق دامۋ باسقارماسى باسشىسىنىڭ ورىنباسارى ماقسات قۇلانباەۆتىڭ ايتۋىنشا, وبلىس باسشىلىعى وڭىردە باعانى تۇراقتاندىرۋ ءۇشىن كەشەندى شارالاردى قولعا الدى. بۇگىنگى تاڭدا الەۋمەتتىك ماڭىزى بار ازىق-ت ۇلىك باعالارىن تەجەۋ, باقىلاۋ, مونيتورينگىلەۋ بويىنشا ءتيىستى شارالار قابىلدانعان. كۇن سايىن وبلىستىڭ بارلىق كاسىپورىندارى – وندىرۋشىلەر, كوتەرمە جەتكىزۋشىلەر, ساۋدا جەلىلەرى بويىنشا ازىق-ت ۇلىك تاۋارلارىنىڭ باعاسى مەن ساقتاۋلى قورىنا مونيتورينگ جۇرگىزىلەدى. سونىڭ ىشىندە الەۋمەتتىك ماڭىزى بار ازىق-ت ۇلىك تاۋارلارىنا باعا بەلگىلەۋ ماسەلەسى ەرەكشە باقىلاۋعا الىنعان.
بۇگىندە جەرگىلىكتى جەرلەردە كۇن سايىن باعا مونيتورينگىن جۇرگىزەتىن 20 جەدەل توپ جۇمىس ىستەپ تۇر. ساۋدا كاسىپورىندارى, وندىرۋشىلەر, قويمالارداعى قورلار جانە وبلىستىڭ تۇراقتاندىرۋ قورى بويىنشا ازىق-ت ۇلىك تاۋارلارىنىڭ قورى كۇندەلىكتى باقىلاۋدا. الەۋمەتتىك ماڭىزى بار ازىق-ت ۇلىك تاۋارلارىن كوتەرمە ساتۋشىلار ءۇشىن «قادامدىق قولجەتىمدىلىك» قاعيداتى بويىنشا ساۋدا پاۆيلوندارى ۇسىنىلعان. ساۋدا جەلىلەرىنىڭ باسشىلارىمەن بىرلەسىپ, باعانىڭ نەگىزسىز وسۋىنە جول بەرمەۋ ءۇشىن الەۋمەتتىك بۇرىشتار – حالىقتىڭ وسال توپتارى ءۇشىن تومەندەتىلگەن باعامەن بەرىلەتىن تاۋارلار سورەسى اشىلدى, تۇراقتاندىرۋ قورىنىڭ تاۋارلارىن وتكىزۋ ءۇشىن «التىندار» جشس-مەن شارت جاسالدى.
جەرگىلىكتى تاۋار وندىرۋشىلەر ءوز ءونىمىن, سونىڭ ىشىندە كوكونىس پەن نان ونىمدەرىن تۇتىنۋشىعا تىكەلەي ساتۋ ءۇشىن ارنايى ساۋدا ورىندارى ۇسىنىلدى. ورال قالاسىنىڭ وزىندە تاۋار وندىرۋشىلەرىنىڭ نان-توقاش ونىمدەرىن تىكەلەي ساتاتىن 50 فيرمالىق دۇكەن ورناتىلدى. Aqjayiq الەۋمەتتىك-كاسىپكەرلىك كورپوراتسياسى «ەل ىرىسى» الەۋمەتتىك شاعىن ماركەتتەرىنىڭ جوباسىن ىسكە اسىرۋدا. قازىردىڭ وزىندە 10 شاعىن ماركەت ورناتىلىپ, تاعى 15 شاعىن ماركەت جوسپارلانعان. بۇل ماركەتتەردى جالعا العان كاسىپكەرلەر الەۋمەتتىك ازىق-ت ۇلىك باعاسىن كەم دەگەندە 10%-عا تومەندەتسە, جالداۋ قۇنى 50%-عا دەيىن تومەندەيدى. تۇراقتاندىرۋ قورىنىڭ تاۋارلارىن وسى شاعىن-ماركەتتەردە جانە وبلىستىڭ باسقا ساۋدا پاۆيلوندارى جەلىلەرىندە وتكىزۋ تۋرالى مەموراندۋمعا قول قويىلعان.
بۇگىندە كوشە ساۋداسى نىساندارىن ورنالاستىرۋ ءۇشىن كاسىپكەرلەرگە www.gosreestr.kz پورتالى ارقىلى اۋكتسيون ءوتىپ, 38 جەر تەلىمى بەرىلگەن.
– ەڭ الدىمەن نان باعاسىن تۇراقتاندىرۋ ءۇشىن وبلىستاعى ناۋبايحانالارعا تۇراقتاندىرۋ قورىنان 1 كيلوگرامى 95 تەڭگەدەن 200 توننا ءبىرىنشى سۇرىپتى ۇن ساتىلدى. ناۋبايشىلار الەۋمەتتىك ناننىڭ باعاسىن 80 تەڭگەدەن اسىرماۋى ءتيىس. بيىلعى تامىز ايىنان باستاپ ناۋبايحانالارعا 31 جەلتوقسانعا دەيىن ءبىرىنشى سورتتى ۇننان جاسالعان ناننىڭ باعاسىن ءبىر بولكە ءۇشىن 80 تەڭگەدەن بەلگىلەۋ شارتىمەن ءار كيلوگرامى 111 تەڭگەدەن 160 توننا ۇن ءبولىندى, – دەيدى ماقسات مەيرامعالي ۇلى.
سونداي-اق ورال قالاسىندا جانە اۋدان ورتالىقتارىندا اۋىلشارۋاشىلىق جارمەڭكەلەرىن ۇيىمداستىرۋ قولعا الىنعان. بۇل اۋىل شارۋاشىلىعى تاۋارىن وندىرۋشىلەرگە دە, تۇتىنۋشىعا دا ءتيىمدى. ماسەلەن, 2019 جىلى وبلىس بويىنشا 286 جارمەڭكە وتكىزىلگەن ەكەن. سول ارالىقتا 372,8 ملن تەڭگەنىڭ ساۋداسى جاسالعان. سونىڭ ىشىندە 96 جارمەڭكە ورال قالاسىندا ءوتىپ, 243,5 ملن تەڭگە اينالعان ەكەن.
– بيىل ناۋرىز ايىنىڭ باسىندا ەلىمىز بويىنشا توتەنشە جاعداي رەجىمى ەنگىزىلگەن سوڭ اۋىل شارۋاشىلىعى جارمەڭكەلەرىن وتكىزە الماي قالدىق. تەك 5 قىركۇيەكتەن باستاپ قانا جارمەڭكە ساۋداسى قايتا قىزدى. وسىلايشا قىركۇيەك-قازان ايلارىندا 15 جارمەڭكە وتكىزىلىپ, 55,5 توننا ەت, 11,1 توننا بالىق, 59,6 توننا اۋىل شارۋاشىلىعى ونىمدەرى, 134,8 مىڭ دانا جۇمىرتقا ساتىلدى, – دەيدى وبلىستىق كاسىپكەرلىك جانە يندۋستريالدى-يننوۆاتسيالىق دامۋ باسقارماسى باسشىسىنىڭ ورىنباسارى.
باتىسقازاقستاندىقتار ءۇشىن كۇندەلىكتى قاجەتتى ازىق-ت ۇلىك تاۋارلارى قات بولىپ, باعاسى اسپانداپ كەتەدى دەگەن قاۋىپ جوق سياقتى. وڭىردە تۇراقتاندىرۋ قورىن قالىپتاستىرۋ ءۇشىن 2019-2021 جىلدارعا 550 ملن تەڭگە بولىنگەن. ءدال قازىر قوردا 337,1 ملن تەڭگەنىڭ تاۋارى, اتاپ ايتساق, 401 توننا ءبىرىنشى سۇرىپتى بيداي ۇنى, 100 مىڭ ليتر كۇنباعىس مايى, 76 توننا سيىر ەتى, 277 توننا قانت, 112,5 توننا قاراقۇمىق جارماسى, 8 توننا تۇز, 130 توننا كۇرىش, 60 توننا ماكارون ونىمدەرى, 30 توننا تاۋىق ەتى جيناقتالعان.
باتىس قازاقستان وبلىسى
