قۇلقىن قۇردىمعا قۇلاتىپ تىنادى

سويتسەك, جۇمىسى دا, جىرى دا بىتپەيتىن جولدار  كولدەنەڭ تابىس تابۋعا دا قولايلى سە­كىلدى.

ماڭعىستاۋ وبلىسى بويىن­شا سىبايلاس جەمقور­لىق­قا قار­سى ءىس-قيمىل دەپار­تا­مەن­تى «جۇمىسپەن قام­تۋدىڭ جول كارتاسى-2020» مەم­لە­كەت­­تىك باع­دار­لاماسى شەڭ­بە­رىن­دە جۇزەگە اسى­­رىلىپ جات­قان  مۇنايلى اۋدانىنداعى اۋىلىشىلىك جول­داردىڭ قۇرى­لىسىنا قاتىستى تەكسەرىس جۇرگىزدى. تەكسەرىس ناتي­جەسىندە  «مۇ­نايلى اۋداندىق تۇرعىن ءۇي-كوممۋنالدىق شارۋا­شىلىعى, جولاۋشىلار كولىگى جانە اۆتوموبيل جولدار ءبو­لىمى» مەم­لەكەتتىك مەكەمەسىنىڭ باسشىسى قامقورلىق جاساعانى ءۇشىن زاڭدى تۇلعادان 1 ميلليون تەڭگە كولەمىندە پارا الۋ فاكتىسى بويىنشا سوتقا دەيىنگى تەرگەپ-تەكسەرۋ جۇرگىزۋدە.

اتالعان دەپارتامەنتتىڭ ما­لى­مەتىنە سۇيەنسەك, سوتقا دەيىن­گى تەرگەپ-تەكسەرۋ بارى­سىن­دا كۇ­دىكتى قىلمىستىق قۇ­قىق­بۇزۋ­شىلىق جاساعانى ءۇشىن كى­ناسىن مويىنداعان.

سىبايلاس جەمقورلىققا قار­سى قىزمەت, ماڭعىستاۋ وب­لى­سىنىڭ پروكۋراتۋراسى جانە ازاماتتىق قوعام تاراپىنان بىر­نەشە رەت سىنعا ۇشىراعان بۇل قۇ­رىلىس نىساندارى ماڭعىستاۋ وڭىرىندە ۇلكەن تاقىرىپقا وزەك بولدى. اتاپ ايتقاندا, مۇنايلى اۋدانىنداعى جولداردى سالۋ كەزىندەگى ساپاسىز جۇمىستار فاك­تىلەرى تۋرالى الەۋمەتتىك جەلىلەر­دە جانە بۇقارالىق اق­پارات قۇ­رالدارىندا جاريا­لانعان بولاتىن. سويتسەك, شالا ءىستىڭ ار­تىن­دا كو­لەڭ­­كەلى تۇستار دا جوق ەمەس ەكەن.

ماڭعىستاۋ وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتى ىسكە قا­تىستى باسقا اقپاراتتاردى تەرگەۋ مۇددەسى ءۇشىن جاريا ەتپەي وتىر. ال كۇدىكتىگە قاتىستى ونىڭ كىناسىنىڭ دارەجەسىن انىق­تايتىن سوڭعى شەشىمدى سوت شى­عا­رادى.

ساپالى جول قۇرىلىسىنىڭ بولماۋى استارىندا قالتانىڭ قامىن كۇيتتەگەن قۇلقىن مەن اران تۇر ەكەن. ازاماتتاردىڭ قۇلقىن قۇردىمعا, اران اپانعا قۇلاتىپ تىناتىنىن ەسكەر­مەيتىنى قىزىق. 

ماڭعىستاۋ وبلىسى