رۋحانيات • 27 قازان، 2020

ءوز ەلىڭدەي ەل بولماس

529 رەت كورسەتىلدى

قازاقستاندا تۇراتىن ەتنوستاردىڭ تاريحىنا كوز جۇگىرتسەڭىز، ءارتۇرلى تاعدىرلار مەن ءومىر يىرىمدەرىن كورەسىڭ. ماسەلەن، وتكەن عاسىردىڭ ەلۋىنشى جىلدارىنىڭ سوڭى مەن الپىسىنشى جىلداردىڭ باسىندا كسرو-نىڭ ءار تۇكپىرىنەن جاستاردى ەلىمىزدەگى تىڭ يگەرۋ جۇمىسىنا تارتقان بولاتىن. قاسيەتتى قازاق جەرىنە كەلگەن ءتۇرلى ەتنوس وكىلدەرى تامىرىن تەرەڭگە جايدى. ولاردىڭ ۇرپاقتارى بۇگىندە بىرلىگى مەن تاتۋلىعى جاراسقان ەلىمىزگە تاستاي باتىپ، سۋداي ءسىڭدى. ۇلتتىق ۇلان قا­تا­رىندا دا مۇنداي ازاماتتار بارشىلىق. ەلىنە ادال قىز­مەت اتقارۋدا. اعا لەيتەنانت ياروسلاۆ انيكاەۆ – سولاردىڭ ءبىرى.

ياروسلاۆ 6636 اسكەري ءبولىمى باسقارۋ پۋنكتى اكىمشىلىك توبى­نىڭ وفيتسەرى، بايلانىس سالا­سىنىڭ بەلدى مامانى. ول ەلى­مىز­دىڭ باس قالاسى نۇر-سۇل­تان­­نىڭ تۋماسى. ەلوردادا مەك­تەپتى اياقتاعاننان كەيىن، اس­كە­ري بولۋدى شەشىپ، كورشى ەل­دەگى رەسەي فەدەراتسياسىنىڭ سانكت-پەتەربۋرگ قالاسىنداعى قورعانىس مينيسترلىگى اسكەري بايلانىس اكادەمياسىنا وقۋعا تۇسەدى. 2015 جىلى اتالعان جوعارى اسكەري وقۋ ورنىن اياق­تا­پ، 5573 اسكەري بولىمىندە باي­­­لانىس روتاسىنىڭ ۆزۆود كو­­مان­­ديرى بولىپ ەڭبەك جولىن باستايدى. كەيىن 6636 اسكەري بولىمىندە ۆزۆود كومانديرى بولىپ قىزمەتىن جالعاستىرادى. ەڭبەكسۇيگىشتىگىمەن كوزگە تۇس­كەن جاس ورەندى ۇلتتىق ۇلان باس قولباسشىلىعىندا قا­بىرعاسى قالانعان باس­قا­رۋ پۋنكتىنە قىزمەتكە تاعايىن­داي­دى.

– ءوز باسىم بايلانىس سالاسىن جاقسى كورەمىن. بايلانىس سالاسىن اسكەردىڭ بولاشاعى دەپ بىلەمىن. ويتكەنى، جاۋىنگەرلىك دايىندىقتى قامتاماسىز ەتەتىن نەگىزگى سالالاردىڭ ءبىرى – سول. بايلانىسسىز اسكەردى ەلەستەتۋ مۇمكىن ەمەس. سوندىقتان كوپ وقىپ، كوپ ىزدەنەمىن. مۇمكىندىك بولسا، سەمينار، وقۋ-جاتتىعۋ جيىن­دارىنا قاتىسامىن. وفي­تسەر، قازاقستان ازاماتى رە­تىندە ەلىمنىڭ دامۋىنا ءوز ۇلە­سىمدى قوس­قىم كەلەدى، – دەپ ياروسلاۆ اعىنان جارىلدى.

اسكەري قىزمەتتە ءجۇرىپ، ەكاتەرينا ەسىمدى ارۋمەن تانىسىپ، وتباسىن قۇرادى. بۇ­گىن­دە ەكەۋى نيكولاي ەسىمدى ۇلدى تاربيەلەپ وتىر. ءوزى تىڭ يگە­رۋ­شى­لەردىڭ ۇرپاعى ەكەنىن ايتادى.

– اتام نيكولاي – رەسەي فە­دە­راتسياسى يجەۆسك قالا­سى­نىڭ تۋماسى. اكەم 3 جاستا بولعاندا بۇگىنگى نۇر-سۇلتان، كەشەگى اقمولا قالاسىنا كوشىپ كەلگەن. ناعاشىلارىم دا سول كەزدەرى قازاقستانعا قونىس اۋدارعان. انام گالينا نيكولاەۆنا باش­­قۇرت­ستاندا تۋعانمەن، قال­­عان عۇمىرىن وسى قالادا وت­كىزىپ كەلە­دى. اتالارىمىز تىڭ يگەرۋ جۇمىستارىنا ءوز ەڭ­بەك­تە­رىن ءسىڭىر­­­­­دى. اكە-شە­شەم وسىندا تانىس­تى. قازاق جەرىندە باقىت تاۋىپ، وتبا­سىن قۇردى. مەن دە وسى جەردە تۋىپ-ءوستىم. قازاقستان ءبىزدىڭ ورتاق وتا­نى­مىز، كيەلى شا­ڭىراعىمىز. شە­تەل­دە دە وقىدىم، باسقا مەملە­كەت­تەردە دە دوستارىم كوپ. الاي­دا ءبىر ۇققانىم – بىرلىگى جا­راسقان، بەرەكەسى تاسىعان ءوز ەلىمىزدەي ەل جوق. وسى ەلدە تۇ­رىپ، ەلگە قىزمەت ەتۋدەن اسقان ابى­روي جوق، – دەيدى ۇلاندىق وفيتسەر.

ءيا، كەيىپكەرىمىز ۇلتتىق ۇلان قاتارىندا ەل بىرلىگى جو­لىن­­دا قىزمەت اتقارىپ، ەلىنە ەڭبەگىن سىڭىرۋدە. قازاقستاندىق قو­عامعا «كىرپىش بولىپ» قا­لان­­عان وفيتسەردىڭ الار اسۋى ءالى الدا.

 

دارىن سەيىتوۆ،

كاپيتان

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار