كوللاجدى جاساعان قونىسباي شەجىمباي, «EQ»
ەڭ الدىمەن, SEO دەگەنىمىز نە ەكەنىن انىقتاپ الساق, بۇل ەڭ ارزان باعانى ۇسىناتىن, بىراق ينۆەستيتسيالاردى قاجەت ەتەتىن ۇزاق مەرزىمدى ستراتەگيالىق جارناما ءتۇرى.
كاسىپكەرلەردىڭ كوپشىلىگىنىڭ الدىندا اسىرەسە شاعىن جانە ورتا بيزنەس سەكتورىندا تابىس تابۋ ماقساتى عانا ەمەس, كاسىپتەرىن بانكروتقا ۇشىراتپاۋ جولدارىن انىقتاۋ ماسەلەسى تۇر. سوندىقتان قازىرگى Covid-19 تۋدىرعان داعدارىس كەزەڭىندە كوپشىلىك جارنامانى ۋاقىتشا توقتاتۋدا.
البەتتە, شىعىنداردى قىسقارتۋ ماقساتىندا جارناما شىعىندارىن قايتا ءبولۋ نەمەسە ازايتۋ ۇسىنىلادى, بىراق SEO بيۋدجەتتەرىن سوڭىنا دەيىن ساقتاۋ قاجەت. مۇنىڭ بىرنەشە سەبەبى بار جانە ونى مۇقيات قاراستىرعان ءجون.
ءبىرىنشى كەڭەس – بيزنەس مودەلىن وزگەرتۋ. ماسەلەن, فيتنەس ورتالىقتارى مەن بي ستۋديالارى ونلاين ساباقتارىن باستايدى. جىلجىمايتىن م ۇلىك اگەنتتىكتەرى الەۋمەتتىك جەلى مەن ونلاين پلاتفورمالار بويىنشا پاتەرلەردى كورسەتەدى. جەرگىلىكتى ءدامحانالار مەن مەيرامحانالار جەلىدە جۇمىس ىستەيتىن كوپتەگەن كومپانيالاردىڭ ۆەب-سايتتارى مۇلدەم باسقا بيزنەس-مودەلگە ارنالعان. كليەنتتى وفلاين ساتۋ پۋنكتىنە اپارۋ نەمەسە قوڭىراۋ شالۋ قاجەت بولعاندا, بىرنەشە بەتتەن تۇراتىن لەندينگ سايت جەتكىلىكتى. بارلىق قىزمەت قاشىقتان ۇسىنىلاتىن جاعدايدا سايتقا قويىلاتىن تالاپتار مۇلدەم باسقاشا. ولاردى ورىنداۋ ءۇشىن ەلەۋلى جاڭاشىلدىق قاجەت.
تاعى ءبىر ماڭىزدى تۇسى بار. SEO – سالىستىرمالى تۇردە ارزان قىزمەت (كونتەكستىك جارنامادان بىرنەشە ەسە ارزان), ال ول باسقا جارناما ارنالارىندا اقشا ۇنەمدەۋگە كومەكتەسەدى. جارنامالىق جۇمىستارمەن قاتار, سايتتىڭ كونۆەرسياسىن ارتتىرادى. بۇل داعدارىستان كەيىن وڭتايلاندىرىلعان سايتقا كەلەتىن كەز كەلگەن اقىلى ترافيك كوپ پايدا اكەلەتىنىن بىلدىرەدى.
مۇنداي وزگەرىستەردى SEO ماماندارىمەن بىرگە قۇراستىرعان دۇرىس. وپتيميزاتورلار سىزگە ءبارىن دۇرىس اتقارۋعا كومەكتەسەدى. ىشكى وڭتايلاندىرۋ مەن ىڭعايلىلىق تالاپتارىن, سول سالاداعى باسقا كومپانيالاردىڭ تاجىريبەسىن ەسكەرە وتىرىپ شەشىم قابىلدايدى. ايتپەسە, سىزگە جاڭارتىلعان سايت ۇنايدى, بىراق قولدانۋشىلار مەن ىزدەۋ جۇيەلەرى سىزگە ۇنامايتىن بولىپ شىعۋى مۇمكىن.
عالامتور العا ىلگەرىلەۋمەن اينالىسقان كەزدە بيزنەستە ءاردايىم ۇزاق ۋاقىت ءرول وينايدى. سوندىقتان SEO-ءنى جالعاستىرۋ نەمەسە توقتاتا تۇرۋ تۋرالى شەشىم تەك اعىمداعى جاعدايدى عانا ەمەس, سونىمەن قاتار الداعى ايلار مەن جىلدارعا دەگەن بولجامدى دا ەسكەرگەنى ءجون. امبەباپ جاۋاپ جوق, ويتكەنى ءار كومپانيانىڭ ءوز نارىعى, ءوزىنىڭ كۇشتى جانە ءالسىز جاقتارى بار.
