ۋكرايناداعى «ۆەرتيكال» مامانداندىرىلعان بىرلەستىگى ەكىنشى دۇنيەجۇزىلىك سوعىس جىلدارىندا ۋكراينا اۋماعىندا قازا تاپقان قازاقستاندىق جاۋىنگەرلەر قايىرجان تىكشەكەەۆ, سەيد تويناشەۆ پەن وكسىكباي بازارباەۆتىڭ سۇيەكتەرىن تاپتى.
نۇر-سۇلتان قالاسىنداعى قارۋلى كۇشتەردىڭ اسكەري-تاريحي مۇراجايىندا قايىرجان تىكشەكەەۆتىڭ سۇيەگىن تۋىستارىنا تاپسىرۋ ءراسىمى ءوتتى.
التىبۇرىشتى مەدالونعا سالىنعان قاعاز توسەنىش جاۋىنگەردىڭ جەكە باسىن انىقتاۋعا مۇمكىندىك بەردى. قايىرجان تىكشەكەەۆ 1916 جىلى سولتۇستىك قازاقستان وبلىسى ايىرتاۋ اۋدانىندا دۇنيەگە كەلگەن. سول جەردەن ول مايدانعا اتتانىپ, 1941 جىلى كيەۆتى قورعاۋ كەزىندە قازا بولدى.
بارلىق اسكەري راسىمدەردى ساقتاي وتىرىپ, ءمايىت جاۋىنگەردىڭ نەمەرەسىنە ودان ءارى قايتا جەرلەۋ ءۇشىن بەرىلدى.
«ۋكراين حالقىنا, «ۆەرتيكال» ىزدەۋشىلەرىنە, ءبىزدىڭ ەلشىلىك پەن قورعانىس مينيسترلىگىنە پاندەمياعا قاراماستان اتامنىڭ سۇيەكتەرىن جەتكىزگەنى ءۇشىن العىسىمدى بىلدىرگىم كەلەدى. جاقىندا ءبىز تۋعان جەرىمىزگە بارىپ, بارلىق راسىمدەردى ساقتاي وتىرىپ, قايتا جەرلەيمىز. ماعان الەۋمەتتىك جەلىدە حابارلاسىپ, اتامنىڭ سوڭعى رەت شايقاسقا قاتىسقان كيەۆ وبلىسى, ماكاروۆ اۋدانىنىڭ بوروۆكا اۋىلىندا تابىلعانىن حابارلادى», دەدى قازاقستاندىق جاۋىنگەردىڭ نەمەرەسى مارات تىكشەكەەۆ.
قازا تاپقان جاۋىنگەرلەردىڭ ءبىرى سەيد تويناشەۆ 1922 جىلى دۇنيەگە كەلگەن. جاۋىنگەر ماڭعىستاۋ وبلىسىندا قايتا جەرلەنەدى.
قازىرگى ۋاقىتتا ۋكراينا تاراپىنان 1913 جىلى تۋعان گۆارديالىق اتقىشتار ۆزۆودىنىڭ كومانديرى, لەيتەنانت وكسىكباي بازارباەۆتىڭ سۇيەكتەرىن ەلگە جەتكىزۋگە كومەك كورسەتىلىپ جاتىر.
قازاقستاندىق ىزدەۋشىلەردىڭ ىزدەۋ-ەكسپەديتسيالىق جانە مۇراعاتتىق قىزمەتى شەتەلدىك ارىپتەستەرمەن تىعىز ىنتىماقتاستىقتا جۇرگىزىلەدى. بەلسەندىلەردىڭ بۇل ەڭبەگى سۇراپىل سوعىستا قازا تاۋىپ, حابارسىز كەتكەندەردىڭ ەسىمىن ماڭگى ەستە ساقتاۋعا سەپ بولادى.
