"مەملەكەت باسشىسى قازاقستان حالقىنا جولداۋىندا ساۋدا جانە ينتەگراتسيا مينيسترلىگىنىڭ الدىنا بىرقاتار ماڭىزدى مىندەتتەر قويدى, ولاردى ىسكە اسىرۋ ەلىمىزدىڭ ەكونوميكاسىن تۇراقتى دامىتۋعا اكەلەدى. ءبىرىنشى كەزەكتە, اڭگىمە شيكىزاتتىق ەمەس ەكسپورتتى ۇلعايتۋ تۋرالى", - دەپ ءتۇسىندىردى ب. سۇلتانوۆ.
ونىڭ جارتىسىنا جۋىعى (42%) قازىر جوعارى جانە ورتاشا قايتا وڭدەۋ ساتىسىنداعى ونىمىنەن تۇرادى. وڭدەلگەن ەكسپورتتىڭ نەگىزگى تاۋارلارى - مىس جانە مىستان جاسالعان كاتودتار, فەرروقورىتپالارى, ۋران, مۇناي وڭدەۋ ءونىمى جانە باسقالار. ءمينيستردىڭ ايتۋىنشا, الەمدە پاندەميا سالدارىنان قالىپتاسقان ساۋدا-ەكونوميكالىق وزگەرىستەر ءبىر جاعىنان تاۋەكەلدەردى تۋىنداتسا, باسقا جاعىنان وتاندىق كاسىپورىنداردىڭ ەڭ جوعارى قوسىلعان قۇنى بار ءونىمدى وندىرۋگە كوشۋىنە "مۇمكىندىك تەرەزەسىن" اشادى.
ۆەدومستۆونىڭ مالىمەتىنشە, 8 ايدىڭ قورىتىندىسى بويىنشا وڭدەلگەن تاۋارلارلدىڭ ەكسپورتى 7,3%-عا 10,4-تەن 9,7 ملرد اقش دوللارىنا دەيىن ازايدى. ەكسپورتتىڭ نەگىزگى تومەندەۋى مۇناي ونىمدەرىنىڭ (-332,6 ملن $), فەرروقورىتپالارىنىڭ (-249,7 ملن. $), مىرىشتىڭ (-121,2 ملن $) جەتكىزىلىمىنىڭ قىسقارۋى جانە باعالاردىڭ تومەندەۋى ەسەبىنەن بولدى. سونىمەن قاتار, تاماق ونەركاسىبىن جەتكىزۋدىڭ ءوسۋى بايقالادى. ءوسۋدىڭ نەگىزگى درايۆەرلەرى: ۇن, كۇنباعىس مايى, ماكارون, سيىر ەتى, سويا مايى. ماشينا جاساۋ ونىمدەرىنىڭ ەكسپورتى دا ارتتى. مىسالى, جىلجىمالى قۇرام بولىكتەرىن جەتكىزۋ 3,2 ەسەگە, جەڭىل اۆتوكولىكتەردى جەتكىزۋ 3 ەسەگە ارتتى.
