باعدارلامادا سپورتشى سوڭعى جاڭالىقتارىمەن ءبولىستى. الداعى جەكپە-جەگى جايلى ءسوز قوزعالدى. جۇرگىزۋشىلەر اڭگىمە بارىسىندا ودان قاشان ۇيلەنەتىنىن سۇرادى.
"مەن قايدا بارسام دا, بۇل سۇراق قويىلادى. اتا-انام دا ۋاقىت كەلدى دەيدى. نەمەرە كەرەك دەيدى. ولار بۇعان دەيىن ايتقان جوق, بىراق قازىر ءجيى ايتادى. مەن سپورتشىمىن, قازىر ۋاقىت جوق. ءتورت-بەس اي بويى شەتەلدە ءجۇرمىن. قازىر مەنىڭ ماقساتىم 4 جەلتوقسانداعى جەكپە-جەكتە جەڭىسكە جەتۋ, سودان كەيىن كەلەسى جىلعا ماقساتتار بار. كەلەسى جىلى, جازدا, ەگەر مەن UFC-مەن كەلىسىم جاساسام, امەريكاعا بارسام, سودان كەيىن ۇيلەنۋ تۋرالى ويلانا الامىن", دەدى ول.
سونداي-اق سپورتشى بالا كەزىنەن بويىنىڭ قىسقا ەكەنىن, دەنە شىنىقتىرۋ ساباعىندا ەڭ سوڭعى بولىپ تۇرعانىن جانە اكەسىنە نەگە بيىك ايەل الماعانىن ايتىپ, جىلاپ, شاعىمدانعانىن ەسكە الدى.
"اكەم "ەگەر سەن ەرتەڭ كىشكەنتاي قالىڭدىق الىپ كەلسەڭ, ەكەۋىڭدى ۇيدەن شىعارىپ جىبەرەمىن", دەدى. قازىر مەن قاراپ جۇرگەن قىز بار. ول ۇزىن بويلى. ءبىز ازداپ سويلەستىك. ودان باسقا ۇيلەنەتىن قىزدى كورمەيمىن", دەدى قۋات حاميتوۆ.
ول بۇل جاڭالىقتى ەشكىمگە ايتپاعانىن, ءبىرىنشى رەت جاريالاپ وتىرعانىن مالىمدەدى.
"ول سپورتشى… ول – ۆولەيبولشى سابينا التىنبەكوۆا. مەنىڭ ويىمشا, بىزدە جاقسى, چەمپيون بالالار بولادى. دوستارىم "ەگەر ۇيلەنسەڭ, دەۆيد بەكحەم جانە ۆيكتوريا سياقتى بولاسىڭدار" دەيدى", دەپ ءبولىستى سپورتشى.
