سۋرەتشىلەر سيمپوزيۋمى قالا كۇنى مەرەكەسىنە وراي ورال قالاسى اكىمدىگىنىڭ قولداۋىمەن ۇيىمداستىرىلدى. دەمەۋشىلەردىڭ كۇشىمەن اقتاۋدان ارنايى اكەلىنگەن اق تاس ماتەريالدى جەرگىلىكتى 7 سۋرەتشى ءبىر اي بويى قاشاپ-جونىپ, شاعىن ساۋلەت مۇسىندەرىن جاساپ شىقتى.
– سيمپوزيۋمعا جەرگىلىكتى تالانتتى سۋرەتشىلەر, قازاقستان سۋرەتشىلەر وداعىنىڭ مۇشەلەرى ەرعالي بەكەشوۆ, باقىتقالي ورازوۆ, ءاشىم تاسقاليەۆ, اسحات ابدەشوۆ قاتىستى. وداق مۇشەسى بولماسا دا شەبەرلىگىمەن تانىلعان ماناس اققوجين, اسىلان سەرىكباەۆ سىندى سۋرەتشىلەر دە ونەرىن ورتاعا سالدى. وسىلايشا «تۇمار», «باقىت», «اڭىز», «جانۇيا», «سۋرەتشى», «مۋزىكانت», «الان», ء«مىناجات» ت.ب. سان ءتۇرلى تاقىرىپتى شاعىن سكۋلپتۋرا اللەياسى دۇنيەگە كەلدى, – دەيدى وسى ءىستىڭ باسى-قاسىندا جۇرگەن بەلگىلى سۋرەتشى, قازاقستان سۋرەتشىلەر وداعى باتىس قازاقستان وبلىستىق فيليالىنىڭ توراعاسى قايىر ورازعاليەۆ.
ايتا كەتەيىك, ورال قالاسىندا ءدال وسىنداي مۇسىنشىلەر سيمپوزيۋمى 2003 جانە 2015 جىلدارى ۇيىمداستىرىلعان بولاتىن. ول كەزدە پايدا بولعان مۇسىندەر بۇگىندە جايىق جاعاسىنداعى جاسىل قالانىڭ اجىراماس اتريبۋتتارىنا اينالعان.
باتىس قازاقستان وبلىسى
