باس سانيتارلىق دارىگەردىڭ قاۋلىسىن ورىنداۋ ماقساتىندا تۇركىستان وبلىسى پد پوليتسيا قىزمەتكەرلەرى جەرگىلىكتى تۇرعىنداردىڭ كارانتين رەجيمىن ساقتاۋعا باعىتتالعان پروفيلاكتيكالىق ءىس-شارالاردى تۇراقتى تۇردە وتكىزىپ تۇرادى. وبلىس اۋماعىندا قۇرامىندا پوليتسەيلەر, سەس جانە جەرگىلىكتى اتقارۋشى ورگانداردىڭ وكىلدەرى بار ءموبيلدى توپتار قۇرىلدى.
اتاپ ايتار بولساق, كارانتين كەزىندە اۋدان تۇرعىندارىنىڭ كوشەلەردە بەلگىلى ۋاقىتتاردا عانا ءجۇرىپ-تۇرۋى كەرەكتىگىن, اسا قاجەتتىلىك بولماسا سىرتقا شىقپاۋدى, ادامدار كوپ شوعىرلانعان جەرلەردە قاۋىپسىزدىك شارالارىن ساقتاۋدى ءتۇسىندىردى. سونداي-اق قوعامدىق ورىنداردا, بازارلاردا, كافەلەردە تۇسىندىرمە جۇمىستارىن جۇرگىزۋدە.
ارنايى كولىكتەرمەن, كوشە-كوشەنى ارالاپ, قاۋىپسىزدىك شارالارىنىڭ, ارا قاشىقتىقتىڭ ساقتالۋىن داۋىس ۇدەتكىشپەن ەسكەرتۋدە. ماسەلەن, شاردارا اۋدانىندا اتالعان نىسانداردى تەكسەرۋ كەزىندە ءتارتىپ ساقشىلارى كارانتين رەجيمىن بۇزۋدىڭ 12 جايتىن تىركەدى, ال يەلەرىنە قاتىستى اكىمشىلىك حاتتاما تولتىرىلدى. ماسەلەن, شاردارا قالاسىنداعى كوشەلەردىڭ بىرىندە پوليتسەيلەر كارانتينگە قاراماستان كەلۋشىلەرگە مەديتسينالىق ماسكاسىز قىزمەت كورسەتكەن دۇكەن ساتۋشىسىن انىقتادى. كارانتين رەجيمىن ساقتاۋ بويىنشا وسىعان ۇقساس ءىس-شارالاردى اۋداندىق پوليتسيا ءبولىمى مەن اتقارۋشى ورگاندار قىزمەتكەرلەرىنەن قۇرىلعان سارىاعاش اپب قىزمەتكەرلەرىنەن جۇمىلدىرىلعان توپتارى دا جۇرگىزۋدە.
رەيد بارىسىندا پوليتسيا قىزمەتكەرلەرى 4984 ءتۇرلى ورىندار مەن مەكەمەلەردى, سونىڭ ىشىندە الاڭدار, سكۆەرلەر, ساۋدا جانە ويىن-ساۋىق ورتالىقتارى, بازارلار مەن قوعامدىق كولىك, كومپيۋتەرلىك كلۋبتار, كافەلەر مەن مەيرامحانالار, سۇلۋلىق سالوندارى, دەمالىس ايماقتارى جانە ت.ب. تەكسەردى.
سونىمەن قاتار ءتارتىپ ساقشىلارى تۇرعىندار اراسىندا بەتپەردە رەجيمىن جانە قاشىقتىقتى ساقتاۋ قاجەتتىلىگى تۋرالى, اسىرەسە 65 جاستان اسقان ادامدارعا جانە 14 جاسقا دەيىنگى بالالارعا, اسا قاجەتتىلىكسىز دالاعا شىقپاۋ تۋرالى ءتۇسىندىرۋ جۇمىستارىن جۇرگىزەدى. پوليتسيا قىزمەتكەرلەرى جەرگىلىكتى تۇرعىندارعا باس مەملەكەتتىك سانيتارلىق دارىگەردىڭ قاۋلىسىندا كورسەتىلگەن شەكتەۋ شارالارىن ساقتاۋ جونىندەگى نۇسقاۋلىقپەن بىرگە 1445 ۇنپاراقتار تاراتىلدى.
سارىاعاش اپب قىزمەتكەرلەرى قر اقبتك-ءنىڭ 425-بابى (حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردى بۇزۋ) بويىنشا بارلىعى 458 اكىمشىلىك قۇقىق بۇزۋشىلىق انىقتالدى. ماسەلەن, كۇن سايىن ساعات 12:00-دەن 01:00-گە دەيىن جۇمىس ىستەيتىن موبيلدىك توپتار سارىاعاش اۋدانى اۋماعىندا ورنالاسقان بىرنەشە كافە مەن دۇكەن يەلەرىنە قاتىستى كارانتيندى بۇزۋ تۋرالى اكىمشىلىك حاتتاما تولتىردى. تىيىم سالىنعان جەرلەردە شومىلعانى ءۇشىن 697 ءتارتىپ بۇزۋشى اكىمشىلىك جاۋاپكەرشىلىككە تارتىلدى.
