بۇگىندە حابار - قالىپتاسقان دامۋ ستراتەگياسى, جوعارى بىلىكتى ماماندارى جانە قىزىقتى تەحنيكالىق شەشىمدەرى بار قازاقستاندىق مەديا يندۋستريا كوشباسشىلارىنىڭ ءبىرى. حابار قۇرىلعاننان باستاپ-اق تەز تانىمال بولدى جانە قازاقستاندىق مەديا كەڭىستىكتە ەرەكشە رولگە يەلەنىپ, جەتەكشى تەلەارنالاردىڭ ءبىرى دە بىرەگەيى برەندىن يەلەندى.
مينيستر ءوزىنىڭ قۇتتىقتاۋ سوزىندە "حابار" اگەنتتىگى شيرەك عاسىر ىشىندە قازاقستاندىق بۇقارالىق اقپارات قۇرالدارى اراسىندا ەرەكشە ورىنعا يە بولىپ, بىرقاتار جۇلدىزداردىڭ, ۇلتتىق قايراتكەرلەردىڭ ۇستازى بولعانىن اتاپ ءوتتى.
سونىمەن قاتار, ءوز سوزىندە مينيستر "ۇيات بولماسىن", "77 كۇن", "مىڭ ءبىر ماقال", "التىباقان", ء"ححى عاسىر كوشباسشىسى" سەكىلدى ارنانىڭ تاعىلىمى مول باعدارلامالارى ميلليونداعان كورەرمەن جۇرەگىنەن جىلدار بويى ورىن العانىن ەسكە سالدى.
"حابار اگەنتتىگى" اق قىزمەتكەرلەرىن مەرەيتويىمەن قۇتتىقتاي كەلە, مينيستر "حابار" ارناسى وتاندىق تەلەارنالاردىڭ كوپتەگەن جۇلدىزدارىنا جول اشقانى, مەملەكەتتىك ساياساتتى ناسيحاتتاعانى, قوعامدىق پىكىردى قالىپتاستىرىپ, ادامگەرشىلىككە باعدار بەرگەنى ءۇشىن ۇزدىك ۇجىمعا العىسىن ءبىلدىردى.
قۇتتىقتاۋ سوڭىندا ا.بالاەۆا "حابار اگەنتتىگى" اق كومانداسىنا سارقىلماس شابىت تىلەدى.
