قويان-قولتىق ۇرىستان "شىعىس" وڭىرلىك قولباسشىلىعىنىڭ بىرىنشىلىگى اسكەري قىزمەتشىلەر اراسىندا ارميالىق قويان-قولتىق ۇرىستى تانىمال ەتۋ جانە دامىتۋ ماقساتىندا وتكىزىلدى.
اسكەريلەر وتان قورعاۋ جولىندا كەز-كەلگەن جاعدايلارعا ءازىر تۇرۋ كەرەك. بۇگىنگى جارىسقا قاتىسۋشى اسكەري قىزمەتشىلەر كۇش سىناسىپ, فيزيكالىق تۇرعىدا دايىن ەكەندەرىن كورسەتتى.
- جارىسقا قاتىسۋشىلار بەلسەندى بولدى. بىراق بىرەۋى بىرەۋىنەن باسىم تۇسەرى زاڭدىلىق. جارىس قورتىندىسى بويىنشا سەرجانت سانات سادىقوۆ, كىشى سەرجانت ارحات باياحمەتوۆ, ەفرەيتور نۇربولات جۇمابەكوۆتەر ىرىكتەۋ كەزەڭىنەن سۇرىنبەي ءوتتى, - دەيدى «شىعىس» وڭىرلىك قولباسشىلىعى جاۋىنگەرلىك دايارلىق باسقارماسىنىڭ اعا باعىتتاۋشى وفيتسەرى كاپيتان نۇرجان تۇرىموۆ.
قويان-قولتىق ۇرىستا مىقتىلىق تانىتقان ولار ەندى قازاقستان رەسپۋبليكاسى قارۋلى كۇشتەرىنىڭ چەمپيوناتىندا ءوز سالماق دارەجەلەرى بويىنشا باقتارىن سىنايدى.
وسكەمەن
