"كاسىبي سۋديالار كورپۋسى - بارلىق سوت رەفورمالارىنىڭ شەشۋشى فاكتورى. سوڭعى جىلدارى سۋديالىققا ۇمىتكەرلەرگە قويىلاتىن تالاپتار ارتىپ, ىرىكتەۋدىڭ زاماناۋي قۇرالدارى ەنگىزىلدى. مىقتى زاڭگەرلەر, كورنەكتى عالىمدار جانە پراكتيك-زاڭگەرلەر ەندى سۋديالىق جۇمىس تاجىريبەسى جوق سۋديا بولا الادى. مەنىڭ ويىمشا, بۇل جەردە قازاقستان جوعارعى سوتىنىڭ توراعاسى جاقىپ اسانوۆ ۇلكەن ءرول اتقاردى", - دەدى قاسىم-جومارت توقاەۆ سۋديالاردىڭ VIII سەزىندە.
پرەزيدەنتتىڭ پىكىرىنشە, سوتقا ەكونوميكا جانە قۇقىق سالالارىنىڭ كۇردەلى ماسەلەلەرىن ەركىن تۇسىنەتىن مامانداردى تارتۋ كەرەك.
"بۇل ۋاقىت تالابى, مەن بۇل تۋرالى جولداۋدا ايتتىم. سۋديالاردىڭ ابىرويى ءمىنسىز, ال كانديداتتاردى ىرىكتەۋ پروتسەسى اشىق ءارى جاريا بولۋعا ءتيىس. كوپتەگەن دامىعان ەلدەردە سۋديالارعا قويىلاتىن تالاپتار وتە جوعارى, ءتىپتى, بولماشى تەرىس قىلىقتىڭ ءوزى ونىڭ قىزمەتتەن باس تارتۋىنا سەبەپ بولۋى مۇمكىن. مۇنداي تاجىريبە قازاقستاندا دا قولدانىلۋى ءتيىس دەپ ەسەپتەيمىن. سۋديالاردى ىرىكتەۋ جانە دايارلاۋ جونىندەگى مىندەتتەردى ورىنداۋ سۋديا كادرلارىنىڭ ساپاسىنا جاۋاپ بەرەتىن جوعارى سوت كەڭەسىنە جۇكتەلگەن. بۇل وتە ماڭىزدى جۇمىس, ونى ساپالى ورىنداۋ كەرەك", - دەپ اتاپ ءوتتى مەملەكەت باسشىسى.
ەسكە سالا كەتەيىك, ونلاين رەجيمدە قازاقستان رەسپۋبليكاسى سۋديالارىنىڭ VIII سەزى ءوتىپ جاتىر. سەزد جۇمىسىنا مەملەكەت باسشىسى قاسىم-جومارت توقاەۆ قاتىسۋدا.
