باستاپقىدا گۇلزيانىڭ ويى بالالارعا ارنالعان اتتراكتسيون اشۋ بولاتىن. الايدا ءبىلىم الۋ بارىسىندا ماركەتينگتىك تالداۋ, سۇرانىس دەگەن ۇعىمداردى ۇيرەنىپ, ويىن تۇبەگەيلى وزگەرتەدى. ول كۇندەلىكتى شىعىنى قاي نارسەگە كەتەتىنىن انىقتاي كەلە, كىر سابىن شىعارۋ بيزنەسىنە توقتالعان.
قاجەتتى قۇرال جابدىقتارىن الىپ, سابىندى شىعاراتىن جانە كەسەتىن قۇرىلعىلارىن ساتىپ الادى. بۇگىندە گۇلزيا اتامەكەن اۋىلىندا ورنالاسقان كىشىگىرىم تسەحتا كۇنىنە 2000-عا جۋىق كىر سابىن شىعارىپ وتىر. كاسىپ يەسى شيكىزاتتى KFC, بارحان بۋرگەر, كاسپي گريل تەز تاماقتانۋ ورتالىقتارمەن بىرلەسىپ كەلىسىمشارت نەگىزىندە الادى. دايىن ونىمدەرىن اۋداننىڭ ورتالىق بازارىنا, قالا سۋپەرماركەتتەرىنە جەتكىزەدى..
"مەنىڭ ءبىر ايداعى تازا تابىسىم 100 مىڭعا دەيىن جەتەدى. ەندىگى جوسپار كىر سابىندى كەپتىرەتىن جانە سىرتىن قاپتاپ شىعاراتىن قۇرىلعىلاردى العىم كەلەدى. "باستاۋ بيزنەس" جوباسى ارقىلى وسىنداي ەرەكشە كاسىپتىڭ اشىلۋىنا سەپتىگىن تيگىزگەنىنە ريزامىن. بىلىكتى ماماندارىمىزدىڭ كاسىپتىڭ نەگىزدەرىنە ۇيرەتىپ, باعىت بەرگەنى قۋانتادى", دەدى كاسىپكەر گۇلزيا قويلىعۋلوۆا.
