"قازاقستان رەسپۋبليكاسىنىڭ 2020 جىلعى 7 شىلدەدەگى № 360-VI "حالىق دەنساۋلىعى جانە دەنساۋلىق ساقتاۋ جۇيەسى تۋرالى" كودەكسىنىڭ 38, 104-باپتارىن باسشىلىققا الا وتىرىپ, ورال قالاسىنىڭ تۇرعىندارى اراسىندا كوروناۆيرۋستىق ينفەكتسياسى (COVID-19) تارالۋىنىڭ الدىن الۋ ماقساتىندا, سونداي-اق قالىپتاسقان ەپيدەميولوگيالىق جاعدايدى ەسكەرە وتىرىپ, ورال قالاسى اۋماعىندا شەكتەۋ شارالارى ەنگىزىلەدى» دەلىنگەن قاۋلىدا.
ياعني ەندى 65 جاستان اسقان ادامداردىڭ اسا قاجەتتىلىكسىز كوشەگە شىعۋى شەكتەلمەك. سونداي-اق بۇعان دەيىن دەمالىس كۇندەرى وتكىزىلىپ كەلگەن اۋىل شارۋاشىلىق, ازىق-ت ۇلىك جارمەڭكەلەرىن وتكىزۋگە دە تىيىم سالىندى. ونىڭ ۇستىنە دەمالىس كۇندەرى قوعامدىق كولىكتىڭ جۇمىسى توقتايتىن بولدى.
باس سانيتارلىق دارىگەر ورال قالاسىنىڭ اكىمىنە جانە ورال قالاسىنىڭ پوليتسيا باسقارماسىنا قالا كوشەلەرىندە ورنالاسقان جابايى ساۋدا ورىندارىن جويۋ جونىندە دە ناقتى تاپسىرما بەرگەن. اتاپ ايتقاندا جاھانشا دوسمۇحامەدوۆ كوشەسىندەگى "ميرلان" بازارى ماڭى, ابىلقايىر حان داڭعىلى بويىنداعى "جايىق" دۇكەن مەن "اياجان" ساۋدا ءۇيىنىڭ اينالاسى, نازارباەۆ داڭعىلىنداعى "يۋبيلەينايا" ايالداماسى, قۇرمانعازى كوشەسىندەگى "شكولنيك" ساۋدا ءۇيى مەن "اقجول" بازارىنىڭ ماڭى, اباي داڭعىلى بويىنداعى بۇرىنعى "سۇلتان" بازارىنىڭ ورنى, 6 شاعىن اۋدانداعى "جەڭىس" ساۋدا ءۇيىنىڭ قارسى بەتى, گاگارين كوشەسىندەگى ء"ونىم" بازارىنىڭ اۋماعى ەرەكشە باقىلاۋعا الىنىپ, جابايى ساۋدا قاتارلارى جويىلماق.
باتىس قازاقستان وبلىسى
