ءبىرىنشى كەزەڭدە قاراستىرىلعان جوبالارعا 30 گا ونەركاسىپتىك جىلىجاي كەشەنىن سالاتىن 8 ينۆەستور انىقتالدى. ولارعا 12 جىلعا جەر جالعا بەرىلدى. قازىرگى تاڭدا ينۆەستورلارمەن كەلىسىم شارتقا تۇرىپ, جەردى تەگىستەپ دايىنداۋ جۇمىستارى باستالدى.
ال, ەكىنشى كەزەڭدە 60 گا جىلىجايدى قۇرايتىن 20 جوبا جۇزەگە اسىرىلاتىن بولادى.
سونىمەن قاتار, قالانىڭ ءتيىمدى ورنالاسۋى كولىك-لوگيستيكالىق الەۋەتىن دامىتۋعا مۇمكىندىك بەرەدى. وسى رەتتە قۇرىلعان كولىكتىك-لوگيستيكالىق ورتالىعىندا 60,1 مىڭ شارشى مەتر بولاتىن مۇزداتىلعان قويمالار پايدالانۋعا بەرىلدى. اتالعان ورتالىقتا كوتەرمە تاراتۋ ورتالىعىن قۇرىپ, وندىرىلگەن اۋىل شارۋاشىلىعى ونىمدەرىن ساقتاۋ, سۇرىپتاۋ, بۋىپ ءتۇيۋ, فيتو-سانيتارلىق باقىلاۋدان وتكىزۋ, تاۋار پارتياسىن قالىپتاستىرىلىپ, ەكسپورتقا جىبەرۋ جۇمىستارى جوسپارلانۋدا.
ودان وزگە, بۇل باعىتتا قالاداعى قاينار بۇلاق تۇرعىن الابى ماڭىندا اۋىل شارۋاشىلىعى ونىمدەرىن قايتا وڭدەيتىن "بوزارىق" تاماق ونەركاسىبى يندۋستريالدى ايماعىن قۇرۋ جوسپارلانۋدا. مۇندا بيولوگيالىق قوسپالارى بار قۇنارلى قۇراما جەم ءوندىرىسىن سالۋ جانە ءسۇت ءوندىرۋ زاۋىتىن سالىنادى دەپ كۇتىلۋدە.
