الەم • 22 قازان، 2020

شەكتەۋگە تۇسكەن شەكتى الەم

11 رەت كورسەتىلدى

بۇگىندە COVID-19 قۇرساۋى الەمدى شەكتەگەن ۇستىنە شەكتەۋ ۇستىندە. ويتكەنى ۆيرۋس جۇقتىرۋشىلار سانى ءسات سايىن وسە ءتۇسىپ، تىپتەن العاشقى تولقىننىڭ ەكپىنىن باسىپ كەتتى، دەپ حابارلايدى Egemen.kz.

برازيليادا ءبىر كۇندە 24،8 مىڭ ادامنان، ارگەنتينادا 18،3 مىڭ ادامنان اۋرۋ تىركەلىپ، فرانتسيادا كۆي جۇقتىرعاندار 1 ملننان استى. بۇعان دەيىن باتىس ەۋروپادا ميلليونعا جەتكەن يسپانيا عانا بولاتىن.

پولشا  پرەمەر-ءمينيسترى ماتەۋش موراۆەتسكي ەلدىڭ ءۇشىنشى ءتىپتى ءتورتىنشى تولقىنعا دايار بولۋى كەرەكتىگى جايىندا ايتتى، دەيدى Polskie Radio 24. پولياك راديوسىنىڭ حابارلاۋىنا قاراعاندا موراۆەتسكي ۇكىمەتتىك وتىرىستا 24 قازاننان باستاپ بۇكىل پولشا اۋماعىن "قىزىل ايماق" دەپ جاريالاۋ قاجەتتىگىنە توقتالعان كورىنەدى.

ۇكىمەت ەگەر ۆاكتسينا جاسالىپ شىقسا ونى الۋعا قۇنى تولەنىپ قويعان ەو قۇرامىنداعى ەلدىڭ ءبىرى ەكەنىن، ۆاكتسينا دايار بولا سالىسىمەن ازاماتتاردىڭ ونىمەن تولىق قامتىلاتىنىن جەتكىزگەن موراۆەتسكيدىڭ ايتۋىنشا ەلدەگى COVID-19 تارالۋى الاڭداتارلىقتاي كۇيدە، انىقتالعان اۋرۋلار سانى ءسات سايىن ءوسۋ ۇستىندە.  

وسىعان دەيىن ەل ىشىندە "قىزىل ايماق" دەپ جاريالانعان اۋدانداردا دۇكەندەردە 5 ادامنان ارتىق كەزەككە تۇرۋعا بولمايتىن. ونىڭ وزىندە قاشىقتىق قاتتى قاداعالانۋى ءتيىس. حالىق جينالاتىن بارلىق سالتاناتتى شارالار وتكىزۋگە رۇقسات جوق، ال شىركەۋدەگى قۇلشىلىقتا ادامدار اراسى 7 مەتردەن كەم بولماۋى قاجەت.

22 قازان كۇنى پولياك سەيمى دە پاندەمياعا قاتىستى زاڭ جوباسىن قارايدى، وندا ەلدەگى بىرنەشە ساياسي پارتيالاردىڭ ۇسىنىستارى قاراستىرىلعان. "قۇقىق جانە ادىلەتتىلىك" پارتياسى COVID-19-عا قارسى كۇرەسىپ جاتقان دارىگەرلەرگە ەڭبەكاقىنى 2 ەسەگە ارتتىرۋ، سونىمەن قاتار ينفەكتسيامەن كۇرەس ۋاقىتىندا جىبەرىلگەن دارىگەر تاراپىنان قاساقانا جىبەرىلمەگەن قاتەلىكتەر ءۇشىن قىلمىستىق قۇدالانۋدان بوساتۋ جايىندا باپ ۇسىنىلعان.

يرلانديا حالقى ۇكىمەتتىڭ 19 قازاندا قابىلداعان شەشىمىمەن قاتاڭ كارانتين شارالارى اياسىندا تىرشىلىك ەتىپ جاتىر

شەكتەۋگە بايلانىستى ەندى يرالاندىقتاردىڭ تەك ەت جاقىنىمەن عانا كەزدەسۋىنە رۇقسات ەتىلگەن. بارلىق ساۋدا ورىندارى جابىلىپ، ازىق-ت ۇلىك دۇكەندەرى مەن ءدارىحانالار عانا جۇمىس ىستەيدى. بۇكىل قوعامدىق تاماقتاندىرۋ ورىندارىنىڭ كليەنتتەر قابىلداۋىنا بولمايدى، ولاردىڭ تاپسىرىس بويىنشا ۇيلەرگە اپارىپ بەرىپ قانا قىزمەت كورسەتۋى تالاپ ەتىلگەن.

وعان قوسا يرلاندىقتىڭ ءوز تۇرعىلىقتى جەرىنەن 5 شاقىرىمنان الىسقا شىقپاۋى، بارلىق قىزمەتكەرلەردىڭ ۇيلەرىندە وتىرىپ جۇمىستى  قاشىقتان عانا ورىنداۋى كارانتين زاڭدىلىقتارىنا كىرگىزىلگەن كورىنەدى. ءتارتىپ بۇزعاندار 500 ەۋرودان 2500 ەۋرواعا دەيىن ايىپ تولەيدى.

Dagens Nyheter گازەتىنىڭ حابارلاۋىنا قاراعاندا شۆەتسيا دەنساۋلىق ساقتاۋ اگەنتتىگى 22 قازان كۇنى COVID-19-عا قاتىستى جاڭا تارتىپتەردى جاريا ەتەدى

ازىرگە بارلىق ءتارتىپ اسا قۇپيا تۇردە. ال پاندەميا باستالعالى شۆەتسيانىڭ كارانتين جاريالاماي، ۇجىمدىق يممۋنيتەت پايدا بولۋى ءتيىس دەگەن ۇستانىمدا بولىپ، تەك جاسى ۇلعايىپ، 70 تەن اسقان ادامداردىڭ وزدەرىن ساقتاپ سىرتقا شىقپاۋىن ۇسىنعانى ايان. بىراق ەكىنشى تولقىنداعى ەكپىن شۆەتسيا ۇكىمەتىن ويلاندىرىپ تاستادى.

مەملەكەتتىك باس ەپيدەميولوگ اندەرس تەگنەلل شەكتەۋ ءتارتىبىنىڭ قانداي دەڭگەيدە بولاتىنىن جۋرناليستەرگە ايتۋدان باس تارتقان. ول تەك جاڭا ءتارتىپتىڭ ەسكى مەن جاڭانىڭ قوسىندىسى بولاتىنىنا عانا توقتالدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار