"ۇلتتىق قوعامدىق سەنىم كەڭەسىنىڭ قۇرىلعانىنا 1 جىلدان استى. وسى ارالىقتا كەڭەس تولىق قالىپتاستى. ونىڭ قاجەتتىلىگىنە بارشامىز كوز جەتكىزدىك. ۇلتتىق كەڭەس بيلىك پەن قوعام اراسىندا سىندارلى ديالوگ ورناتا الاتىن ءتيىمدى ينستيتۋتسيونالدى قۇرىلىمعا اينالدى. كەڭەس مۇشەلەرى ەلىمىز ءۇشىن ماڭىزدى شەشىمدەر ازىرلەپ, سولاردىڭ جۇزەگە اسۋىنا كۇش سالدى. وسىعان دەيىن وتكەن 3 وتىرىستىڭ بارلىعى دا پايدالى بولعانى ءسوزسىز", دەدى پرەزيدەنت.
مەملەكەت باسشىسىنىڭ ايتۋىنشا, كەڭەستىڭ جۇمىسى شەتەلدىك ساراپشىلاردىڭ قىزىعۋشىلىعىن تۋعىزعان.
"پاندەمياعا قاراماستان كەڭەستە وزەكتى ماسەلەلەر تۇراقتى تۇردە تالقىلانىپ كەلەدى, وعان مينيسترلەر دە اتسالىسۋدا. جالپى سىزدەردىڭ ارقالارىڭىزدا بىرنەشە ماڭىزدى باستاما جۇزەگە استى. سونداي-اق مەملەكەتتىك ساياساتتىڭ ءتۇرلى سالالارىن رەفورمالاۋعا قاتىستى جاڭا ۇسىنىستار ازىرلەنۋدە. وسى تۇستا كەڭەستىڭ بارلىق مۇشەلەرىنە, سونىڭ ىشىندە روتاتسيا بويىنشا مۇشەلىكتەن شىققان ازاماتتارعا دا جەمىستى جۇمىستارى ءۇشىن العىس ايتامىن", دەدى ق.توقاەۆ.
