فيليپپيندە «حايان» تايفۋنى سالدارىنان قاۋىپسىز ايماققا كوشىرىلگەن 1,87 ملن. ادامنىڭ 80 پايىزى بوسقىندار لاگەرىنىڭ تولىپ كەتۋىنە بايلانىستى دالادا تۇرۋعا ءماجبۇر. بۇل تۋرالى Radiovesti.ru حابارلادى.
ادامدار وزدەرىنە قيراندىلاردان ۋاقىتشا باسپانا تۇرعىزۋدا. كەيبىر دەرەكتەرگە قاراعاندا, كولىك پەن جانارمايدىڭ جەتىسپەۋشىلىگىنەن شەتەلدەن كەلگەن گۋمانيتارلىق كومەك كوپتەگەن اۋداندارعا جەتكىزىلمەي قالىپ جاتىر.
بۇۇ وكىلى دجون گيگيدىڭ مالىمدەۋىنشە, ەلدەگى 160 مىڭنان استام ءۇي تولىق قيراپ, تاعى 130 مىڭعا جۋىعىنا ەلەۋلى زاقىم كەلگەن.
لەيتا پروۆينتسياسى مەن وعان ىرگەلەس جاتقان ارالداردا جاپپاي قيراعان اۋداندار بار. ول ايماقتارعا قۇتقارۋشىلار ءالى جەتىپ ۇلگەرمەگەن. سوڭعى دەرەكتەرگە سۇيەنسەك, فيليپپيندە ورىن العان الاپات تايفۋننىڭ سالدارىنان 3631 ادام قازا بولىپ, تاعى 1179-ى ءىز-ءتۇزسىز جوعالعان.
ايدار ورىسباەۆ.
