جاڭا وقۋ جىلىنان باستالعان جوبا بارىسىندا سپيكەرلەر – زياتكەرلىك مەكتەپ مۇعالىمدەرى ءبىر اي بويى ءوز ارىپتەستەرىنە ونلاين-پلاتفورمالار, پايدالى ۆەب-سايتتار, لايفحاكتار مەن ۇتىمدى شەشىمدەردى تانىستىرىپ, ولاردى ساباقتا ءتيىمدى قولدانۋ جولدارىن كورسەتتى. Microsoft Teams الاڭىندا "MIRO, PADLET, LINOIT ۆيرتۋالدى تاقتالارىمەن قىزىقتى ونلاين ساباق", "وقىتۋدا EDMODO پلاتفورماسىن قولدانۋ مۇمكىندىكتەرى, "SOCRATIVE قوسىمشاسى كومەگىمەن باعالاۋ جانە كەرى بايلانىس ادىستەرى" "MOZAIC EDUCATION ارقىلى 3D پرەزەنتاتسيا دايىنداۋ" جانە تاعى دا باسقا تاقىرىپتىق اتاۋمەن ۆەبينارلار سەرياسى ۇيىمداستىرىلدى. "نازارباەۆ زياتكەرلىك مەكتەپتەرى" دەربەس ءبىلىم بەرۋ ۇيىمىنىڭ پەداگوگيكالىق شەبەرلىك ورتالىعى ترەنەرلەرى جوبا بويى سپيكەرلەرگە كەرى بايلانىس بەرىپ, پىكىرلەرىن ايتىپ وتىردى.
"بۇگىندە ءبىلىم سالاسىنداعى وزگەرىستەر وتە جەدەل وزگەرەدى. ۆيرتۋالدى سىنىپ, ءموبيلدى وقىتۋ, EdTech, ەلەكتروندى باعالاۋ, جاساندى ينتەللەكتتى قولداناتىن ينتەللەكتۋالدى وقىتۋ جۇيەلەرى – بۇل تەرميندەردىڭ بارلىعى جاڭا زامان مۇعالىمىنە تاڭسىق ەمەس. تسيفرلى قۇرالدار پەداگوگتەر ءۇشىن وقۋ پروتسەسىن ءتيىمدى ۇيىمداستىرۋ جانە وقۋشىلاردىڭ بويىندا ءححى عاسىر داعدىلارىن دامىتۋدىڭ زاماناۋي ادىسىنە اينالىپ وتىر", دەيدى مەكتەپ ديرەكتورى ورىنباسارى گۇلنار دوسقازيەۆا.
جوبا اياسىندا ورال قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ قازاق ءتىلى مەن ادەبيەتى پانىنەن ەكسپەرت مۇعالىم جانساۋلە ماقسۇتوۆا ميني-وقۋلىق قۇراستىرۋعا نەگىزدەلگەن Bookcreator.com سەرۆيسىن ۇسىندى. اتالعان سەرۆيس ارقىلى ونلاين فورماتتا وزىندىك جۇمىستاردى نە ءۇي تاپسىرماسىن ورىنداتۋ وقۋشىلاردىڭ پانگە قىزىعۋشىلىعىن ارتتىرادى. وقۋشىلار شاعىن جوبالىق جۇمىستى, وزىندىك زەرتتەۋ جۇمىستارى ناتيجەسىندە جيناقتالعان اقپاراتتاردى كىتاپشا ەتىپ جاساۋدى ۇيرەنەدى. قوسىمشا كومەگىمەن قۇراستىرىلعان شاعىن كىتاپقا تەك ءماتىن تۇرىندەگى اقپارات قانا ەمەس, اۋديوجازبالار, بەينەماتەريالدار, دايىن پرەزەنتاتسيالاردى ەنگىزۋگە بولادى. ءتىپتى نۇسقاۋلىقتى ءوز داۋىسىڭىزبەن جازۋعا مۇمكىندىك بار. قالاساڭىز, بەينەڭىزدى ءتۇسىرىپ تە سالا الاسىز. وقۋشى سەرۆيستە سۋرەت تە سالا الادى, بۇل ءوز كەزەگىندە وقۋشىلاردى شىعارماشىلىققا باۋليدى.
"ادىستەمەلىك لايفحاك: تسيفرلى گايد" جوباسىن ىسكە اسىرۋ ناتيجەلەرى بويىنشا ورال قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبى وبلىس مۇعالىمدەرىنە ارنالعان تسيفرلى فورۋم ۇيىمداستىرۋدى جوسپارلاپ وتىر.
باتىس قازاقستان وبلىسى
