پارلامەنت • 22 قازان، 2020

شاعىن جانە ورتا بيزنەستى قولداۋ مەن دامىتۋدىڭ ءتيىمدى تەتىكتەرى پىسىقتالدى

22 رەت كورسەتىلدى

سەناتورلار شاعىن جانە ورتا بيزنەستى قولداۋ مەن دامىتۋدىڭ ءتيىمدى تەتىكتەرىن پىسىقتادى، دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.

سەناتتا "جاڭا جاعدايداعى ەكونوميكالىق دامۋ: قازاقستاندا شاعىن، ورتا كاسىپكەرلىكتى دامىتۋ مەن قولداۋ سالاسىنداعى مەملەكەتتىك ساياساتتى جانە قۇقىقتىق رەتتەۋدى جەتىلدىرۋ" تاقىرىبىنا ارنالعان پارلامەنتتىك تىڭداۋعا دايىندىق بارىسىندا مينيسترلىكتەر باسشىلىعىمەن كەزدەسۋ بولدى.

سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ توراعاسى داۋرەن ادىلبەكوۆ كەزدەسۋدى اشا كەلىپ، وسىعان دەيىن شاعىن جانە ورتا بيزنەس، قاۋىمداستىقتار وكىلدەرىمەن، "اتامەكەن" ۇلتتىق كاسىپكەرلەر پالاتاسى جانە "دامۋ" قورى باسشىلىعىمەن شارالار وتكەنىن اتاپ ءوتتى. ول كەزدەسۋلەردە شاعىن جانە ورتا بيزنەس وكىلدەرى پاندەميا جاعدايىنداعى قازىرگى جاعداي تۋرالى ايتىپ، بيزنەس ماسەلەلەرىن رەتتەيتىن زاڭنامانى جەتىلدىرۋ قاجەتتىگىن ايتقان بولاتىن. سەناتورلار پارلامەنتتىك تىڭداۋعا تالقىلاۋعا كەلىپ تۇسكەن ماسەلەلەر مەن ۇسىنىستاردى ودان ءارى پىسىقتاۋ قاجەت دەپ سانايدى.

دەپۋتاتتار پاندەميا كەزىندە ەلدەگى شاعىن جانە ورتا بيزنەستىڭ دامۋىن تەجەيتىن پروبلەمالارعا، سونداي-اق سالالىق مەكەمەلەردىڭ شاعىن جانە ورتا بيزنەستى قولداۋ جونىندە قابىلداپ جاتقان شارالارعا نازار اۋداردى. سەناتورلار لوكداۋن كەزەڭىندە قىزمەتىن توقتاتقان جانە جابىلعان بيزنەس سۋبەكتىلەرى تۋرالى مالىمەتتەردى سۇرادى.

جۇزدەسۋگە قاتىسۋشىلار ميكروبيزنەستىڭ جاعدايىنا دا ەرەكشە نازار اۋداردى. دەپۋتات باۋىرجان قانيەۆ جەڭىلدەتىلگەن نەسيە بەرۋدىڭ قامتىلۋىن كەڭەيتۋ ماقساتىندا ميكروبيزنەستى شاعىن جانە ورتا بيزنەستەن ءبولۋدىڭ ورىندىلىعى ماسەلەسىن كوتەردى.

دەپۋتاتتاردى ارنايى ەكونوميكالىق ايماقتاردىڭ، اسىرەسە يندۋستريالىق الاڭداردىڭ ناشار دامۋى الاڭداتىپ وتىر. كەزدەسۋ بارىسىندا سەناتور ساعىندىق لۇقپانوۆ قازاقستاندىق تاۋار وندىرۋشىلەردىڭ پروبلەمالارىن جانە ولاردى وتاندىق شيكىزاتپەن قامتاماسىز ەتۋ ماسەلەلەرىن قوزعادى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار