وسى ورايدا, ياعني كوروناۆيرۋس ىندەتىنىڭ بولۋى مۇمكىن دەگەن جاڭا تولقىنىنا دايىندىق بارىسىندا اقتاۋدا زاماناۋي ۇلگىدەگى ءمودۋلدى جۇقپالى اۋرۋلار اۋرۋحاناسى اشىلدى. سولتۇستىك كاسپي جوباسىنىڭ وپەراتورى «نورت كاسپيان وپەرەيتينگ كومپاني ن.ۆ.» (NCOC) كومپانياسى سكوبتك الەۋمەتتىك جانە ينفراقۇرىلىمدىق جوبالار ء(ايج) اياسىندا ونەركاسىپتىك مودۋلدىك تۇرعىن ءۇي قۇرىلىسى تەحنولوگياسىنىڭ ارقاسىندا قىسقا مەرزىمدە سالىنىپ, پايدالانۋعا بەرىلگەن اۋرۋحانالار ينفەكتسيا جۇقتىرعان ناۋقاستاردى ۋاقتىلى انىقتاپ, وقشاۋلاۋعا جانە دۇرىس ەم قابىلداۋعا مۇمكىندىك بەرىپ, اۋرۋدىڭ تارالۋ قاۋپىن ازايتادى.
اقتاۋ قالاسىنىڭ 1-ا شاعىن اۋدانىندا ورنالاسقان كەشەن ماڭعىستاۋ وبلىستىق اۋرۋحاناسىنا قاراستى ينفەكتسيالىق ستاتسيونار بولىپ قىزمەت اتقارادى. ماڭعىستاۋ وبلىستىق دەنساۋلىق ساقتاۋ باسقارماسى ءباسپاسوز قىزمەتى بەرگەن مالىمەتكە سۇيەنسەك, اۋماعى 4 گەكتار جەردى قۇرايتىن اۋرۋحانا 200 توسەكتىك ورىنعا ەسەپتەلگەن جانە قاجەتتى مەديتسينالىق جابدىقتارمەن تولىقتاي قامتاماسىز ەتىلگەن. ونىڭ ىشىندە 180 ورىن ستاتسيونارلى بولسا, 20 ورىن – جانساقتاۋ ورىندارى. قۇرىلىس نىسانىنىڭ جالپى كولەمى 8 064 شارشى مەتردى قۇرايدى, ونىڭ ىشىندە اۋماعى 7 600 شارشى مەتر بولاتىن كەشەن مودۋلدەرگە بولىنگەن, ونىڭ ارقايسىسى ءتۇرلى ماقساتتارعا يە. مىسالى, ناۋقاستار بولمەسى «E جانە F» بلوگىندا ورنالاسقان بولسا, كورشى «B» بلوگىندا – رەانيماتسيالىق توسەكتەر مەن وپەراتسيالىق زال, ال «ا» بلوگى – قابىلداۋ بولىمشەسى, «D» بلوگى – ينفەكتسيالىق بلوكتار جانە گالەرەيا تۇرىندەگى دالىزبەن بايلانىسقان بەس پالاتا بولىمدەرى بار.
عيمارات يزولياتسيا مەن وتقا توزىمدىلىگى جوعارى دەڭگەيى MODEX تەمىربەتون بلوكتارىنان, سونداي-اق رامالىق سەندۆيچ-پانەلدەردەن قۇراستىرىلعان. پالاتالار بوكستالعان, ءار ناۋقاستىڭ ورنى ديناميكالىق باقىلاۋمەن, زاماناۋي مەديتسينالىق قۇرالدارمەن جابدىقتالعان. مودۋلدىق اۋرۋحانا ءوزارا بايلانىسقان, جۇقپالى اۋرۋلار قاۋىپسىزدىگى قاتاڭ ساقتالاتىن بولىمشەلەردەن تۇرادى. ءار توسەككە وتتەگى جەتكىزۋدى قامتاماسىز ەتەتىن وتتەكتى-گازداندىرۋ ستانساسى بار. بۇل ەرەكشەلىكتەر ينفەكتسيانىڭ الدىن الۋ جانە جۇقتىرعان اداممەن بايلانىستى بولدىرماۋ ءۇشىن جاسالعان. مەديتسينا قىزمەتكەرلەرى مەن ەم الۋشىلاردىڭ قاۋىپسىزدىگى تولىقتاي قامتاماسىز ەتىلگەن جانە وتتەگى كونتسەنتراتورىمەن جانە ورتالىقتاندىرىلعان وتتەگىمەن, مەديتسينالىق گازبەن جابدىقتاۋ جۇيەسى ورناتىلعان. كەشەندە مەديتسينالىق جانە كارىز قالدىقتارىن زارارسىزداندىرۋ عيماراتى, كولىكتەردى زارارسىزداندىرۋ بەكەتى, ىشكى اۋانى تازارتۋ-جەلدەتۋ, ءورت دابىلى, بەينەباقىلاۋ جۇيەسى دە قاراستىرىلعان. بۇگىندە اۋرۋحانا ناۋقاستاردى قابىلداۋعا دايىن. وندا 300-گە جۋىق مەديتسينا قىزمەتكەرى جۇمىس اتقاراتىن بولادى, سونداي-اق قوسىمشا دارىگەرلىك كادر رەزەرۆى جاساقتالعان.
جوبا «NCOC» كومپانياسىنىڭ دەمەۋشىلىگىمەن سالىندى. ياعني وڭىردە كوروناۆيرۋس ينفەكتسياسى قاۋپىنىڭ ساقتالۋىنا بايلانىستى بۇل جوبا اياسىندا قازاقستان اۋماعىندا كوروناۆيرۋس ينفەكتسياسىنىڭ تۋىنداۋىن جانە تارالۋىن بولدىرماۋ ءۇشىن 2020 جىلدىڭ 18 تامىزى كۇنى كونكۋرستىق ىرىكتەۋ ناتيجەلەرى بويىنشا تاڭدالعان «BI-Industrial» جشس مەردىگەرىمەن كەلىسىمشارت جاسالعان. جوبانى ۇسىنىلعان كۇنگە دەيىن اياقتاۋ ءۇشىن كومپانيا قۇرىلىستىڭ قىزعان شاعىندا 1 مىڭ ادامعا دەيىن جۇمىسقا جۇمىلدىرعان. ال مەردىگەر – قۇرىلىس سالاسىندا ۇلكەن تاجىريبەسى بار قازاقستاندىق BI Group كومپانياسى. ماڭعىستاۋ وڭىرىندە الەۋمەتتىك تۇرعىدا دەمەۋشىلىك كورسەتىپ, كوپ كوڭىلىنەن شىعىپ جۇرگەن NCOC كومپانياسى الەۋمەتتىك جانە ينفراقۇرىلىمدىق جوبالار باعدارلاماسى اياسىندا ماڭعىستاۋ وبلىسىندا وزگە دە دەنساۋلىق ساقتاۋ نىساندارىن تاپسىردى, سونىڭ ىشىندە فورت-شەۆچەنكو قالاسىنداعى 25 ورىندىق ەمحانا مەن كۇندىزگى ستاتسيونار, تۇپقاراعان اۋدانىنداعى ورتالىق اۋداندىق اۋرۋحانانىڭ بالالار ءبولىمى مەن وزگە دە نىساندار بار. اقتاۋداعى 100 كەرەۋەتتىك ونكولوگيالىق ورتالىقتىڭ قۇرىلىسى اياقتالۋعا جاقىن.
ءمودۋلدى اۋرۋحانا قۇرىلىسىنىڭ اياقتالۋى سالتاناتتى شارا بارىسىندا ينفەكتسيالىق اۋرۋحانانىڭ قۇرىلىسىن جۇرگىزۋدەگى بەلسەندى ەڭبەگى ءۇشىن «BL Industrial» جشس-نىڭ 11 قىزمەتكەرى وبلىس اكىمىنىڭ العىس حاتىمەن ماراپاتتالدى.
سونداي-اق دايىندىق بارىسىندا ماڭعىستاۋ وبلىستىق جەدەل جانە شۇعىل مەديتسينالىق جاردەم ستانساسى 20 جاڭا سانيتارلىق اۆتوكولىكپەن تولىعىپ, ءوڭىردىڭ جەدەل جاردەم قىزمەتىنە «Hundai 350» ماركالى مامانداندىرىلعان كولىكتەردىڭ كىلتى تابىستالدى. جاڭا قىزمەتتىك كولىكتەردىڭ 13-ءى اقتاۋ قالاسىنا, 5-ءى مۇنايلى اۋدانىنا جانە 2-ءى ساناۆياتسيا قىزمەتىنە اتتانادى. قازان ايىنىڭ سوڭىنا دەيىن تاعى «Jac Sunray» ماركالى 32 جەدەل جاردەم كولىگى كەلەدى جانە بۇل كولىكتەردىڭ بارلىعى ليزينگ ارقىلى ساتىپ الىنۋدا. قاراشا ايىندا ماڭعىستاۋعا تاعى 2 «ۋاز Patriot» ماركالى رەانيموبيل اۆتوكولىگى كەلمەك. وسىلايشا, ءوڭىردىڭ جەدەل جاردەم اۆتوپاركى 100 پايىز كولىكپەن قامتاماسىز ەتىلەدى. قازىرگى ۋاقىتتا ءوڭىر بويىنشا 47 جەدەل جاردەم بريگاداسى جۇمىس ىستەيدى.
جاڭا ستاتسيونار, جاڭا جەدەل جاردەم كولىكتەرى الاساپىرانعا ەمەس, تىنىشتىققا قىزمەت ەتسە دەپ تىلەيسىڭ.
ماڭعىستاۋ وبلىسى
