ونىڭ ىشىندە 3 از قامتىلعان وتباسى مۇشەسى, 10 كوپ بالالى انا, 21 جاس كاسىپكەرلەر, 5 مۇمكىندىگى شەكتەۋلى جاندارعا ءبولىندى. ناقتىراق ايتقاندا, قۇس جانە مال شارۋاشىلىعى, دانەكەرلەۋ ءىسى, ناۋبايحانا, كونديتەرلىك ءونىم, كولىك قاپتامالارىن تىگۋ, توڭازىتقىشتاردى جوندەۋ, كومپيۋتەرلىك قىزمەت كورسەتۋ, سۇلۋلىق سالونى, شاشتاراز, تىگىن سالالارىنا گرانت ءبولىندى, دەدى ريمما جاقسىلىق.
بيزنەسكە جوسپارىن ۇسىنىپ گرانتقا يە بولعانداردىڭ ءبىرى - ەكىنشى توپتاعى مۇگەدەك مۋرادۋللاەۆ دياس نۇربەك ۇلى. ول ينكۋباتور ارقىلى بالاپان ءوسىرۋدى قولعا الدى.
-«باستاۋ-بيزنەس» باعدارلاماسى اياسىندا وقۋ كۋرسىن وقىپ, ءوزىمنىڭ بيزنەس جوسپارىمدى ۇسىندىم. ناتيجەسىندە, «ەڭبەك» مەملەكەتتىك باعدارلاماسى اياسىندا جاڭا بيزنەس جوبالاردى ىسكە اسىرۋ بويىنشا مەملەكەتتىك گرانتقا قول جەتكىزدىم. العاشقى تالابىمدى شاعىن كاسىپتەن باستاپ, ينكۋباتور ارقىلى بالاپان ءوسىرۋدى قولعا الدىم. ودان سوڭ قىزۋشىلىعىم ارتىپ, تاۋىق ءتۇرىن ساتىپ الدىم. بۇگىندە تاۋىق كوبەيۋدە, جۇمىرتقالارعا سۇرانىس كوپ. مەملەكەتتىك باعدارلامالار ارقىلى كاسىبىمدى دوڭگەلەتىپ وتىرمىن», - دەدى ول.
ماڭعىستاۋ وبلىسى
