پارلامەنتى سەناتى توراعاسىنىڭ ورىنباسارى اسقار شاكىروۆتىڭ توراعالىق ەتۋىمەن جوعارعى پالاتادا سەنات جانىنداعى جەرگىلىكتى وكىلدى ورگاندارمەن (ماسليحاتتارمەن) ءوزارا ءىس-قيمىل جونىندەگى كەڭەستىڭ كەزەكتى وتىرىسى بولدى.
شاراعا كەڭەس مۇشەلەرىنەن باسقا بەينە كونفەرەنتسيا بايلانىسى ارقىلى ەلىمىزدىڭ 17 ءوڭىرى ءماسليحاتتارىنىڭ دەپۋتاتتارى قاتىستى.
وتىرىس بارىسىندا كۇن تارتىبىندەگى نەگىزگى ماسەلە – پرەزيدەنت قاسىم-جومارت توقاەۆتىڭ قازاقستان حالقىنا جولداۋىن ىسكە اسىرۋعا ءماسليحاتتار دەپۋتاتتارىنىڭ قاتىسۋى تۋرالى جان-جاقتى پىكىر الماسىلدى.
"بۇل قۇجاتتا قازىرگى زامانداعى بۇرىن-سوڭدى بولماعان سىن-قاتەرلەر جاعدايىندا ەلىمىزدىڭ تىنىس-تىرشىلىگىن قامتاماسىز ەتۋدىڭ جان-جاقتى باعدارلاماسى قامتىلعان. مەملەكەت باسشىسى ءوز جولداۋىندا مەملەكەتتىك باسقارۋ جۇيەسىن جەتىلدىرۋ ماقساتىندا ءوزارا بايلانىستى كەشەندى مىندەتتەر قويعان بولاتىن. جەرگىلىكتى ءوزىن-ءوزى باسقارۋدى دامىتۋ وسى پروتسەستىڭ ماڭىزدى باعىتتارىنىڭ ءبىرى بولىپ بەلگىلەندى, ول جەرگىلىكتى وكىلدى ورگانداردى نىعايتۋدى كوزدەيدى, ولاردىڭ قىزمەتى حالىق ءۇشىن بارىنشا اشىق بولۋى ءتيىس", دەدى سەنات توراعاسىنىڭ ورىنباسارى.
وسىعان بايلانىستى وڭىرلەردى ءتيىمدى دامىتۋعا جاردەمدەسۋ پارلامەنت جوعارعى پالاتاسى قىزمەتىنىڭ ماڭىزدى باعىتتارىنىڭ ءبىرى ەكەنى اتاپ ءوتىلدى. جەرگىلىكتى وكىلدى ورگاندارمەن ءوزارا ءىس-قيمىل جونىندەگى كەڭەس ارقىلى ماسليحاتتارعا ولاردىڭ زاڭنامالىق وكىلەتتىكتەرى اياسىندا جان-جاقتى كومەك كورسەتىلىپ كەلەدى.
وتىرىس بارىسىندا ەلىمىزدە جۇزەگە اسىپ جاتقان ساياسي جانە ەكونوميكالىق رەفورمالاردىڭ قوزعاۋشى كۇشتەرىنىڭ ءبىرى بولۋعا ارنالعان «رۋحاني جاڭعىرۋ» مەملەكەتتىك باعدارلاماسىن ىلگەرىلەتۋ تالقىلاۋدىڭ جەكە تاقىرىبى بولدى.
"قازاقستان ءماسليحاتتارى دەپۋتاتتارىنىڭ بىرلەستىگى" رقب توراعاسى تولەۋبەك مۇقاشەۆتىڭ پىكىرىنشە, "بۇل جۇمىستا بۇگىنگى تاڭداعى ەڭ وزەكتى تاسىلدەر – ەڭ الدىمەن جاستار اراسىندا بىلىمقۇمارلىق پەن بىلىمپازدىقتى, تولەرانتتىلىق پەن كاسىبي شەبەرلىكتى دارىپتەۋ باسىم بولۋى ءتيىس".
وتىرىسقا قاتىسۋشىلار سايلاۋشىلارمەن تىعىز ءارى ەگجەي-تەگجەيلى جۇمىس جۇرگىزۋ قاجەتتىگى تۋرالى ورتاق پىكىرگە توقتالدى. باتىس قازاقستان وبلىستىق ءماسليحاتىنىڭ حاتشىسى مالىك قۇلشار ءوز سوزىندە ء"ماسليحات دەپۋتاتتارى مەملەكەت باسشىسىنىڭ جولداۋىن ىسكە اسىرۋدىڭ جولدارى مەن ءمان-ماعىناسىن ءاربىر قازاقستاندىققا جەتكىزۋى ءتيىس" دەپ اتاپ ءوتتى.
قازىرگى كەزدە سەناتتىڭ ۇيلەستىرۋشى ءرولى جاعدايىندا بۇل جۇمىسقا ەلىمىزدە 20 مىڭعا جۋىق مۇشەسى بار "قازاقستان زاڭگەرلەر وداعى" رقب ايتارلىقتاي كومەك كورسەتەدى. ونىڭ توراعاسى سەرىك اقىلباي "قازاقستان زاڭگەرلەر وداعى ءماسليحاتتار دەپۋتاتتارىنىڭ قۇقىقتىق ساۋاتتىلىعىن ارتتىرۋ ماقساتىندا پارلامەنت قابىلداپ جاتقان زاڭدار تۋرالى بىرقاتار تاقىرىپتىق دارىستەر دايىنداپ, وڭىرلەرگە جىبەرىلدى. بۇل جۇمىس جالعاساتىن بولادى", دەپ حاباردار ەتتى.
وتىرىس بارىسىندا اقپارات جانە قوعامدىق دامۋ مينيسترلىگىندەگى "رۋحاني جاڭعىرۋ" باعدارلاماسىن ۇيلەستىرۋ دەپارتامەنتى, مەملەكەتتىك جەرگىلىكتى باسقارۋ ينستيتۋتى, سونداي-اق ء"ماسليحات جانە اكىمدىك-ماسليحات ي اكيمات" رەسپۋبليكالىق جۋرنالى كەڭەس قۇرامىنا ۇجىمدىق مۇشەلەر رەتىندە قابىلداندى.
وتىرىس قورىتىندىسى بويىنشا قاتىسۋشىلار قارالعان ماسەلەلەرگە سايكەس كەڭەس جۇمىسىنىڭ پەرسپەكتيۆالىق جوسپارىن ازىرلەدى.
