اتالعان ورتالىق دەنساۋلىق ساقتاۋ مينيسترلىگىنىڭ قولداۋىمەن وتاندىق حيرۋرگيانىڭ كوشباسشىسى سانالادى. مۇنداعى ماماندار حالىققا جوعارى تەحنولوگيالىق مەديتسينالىق قىزمەت كورسەتۋ بويىنشا ۇزدىك ۇيىمداستىرۋشىلىق-ادىستەمەلىك تاجىريبە جيناقتاعان. ا.ن.سىزعانوۆ اتىنداعى ۇلتتىق عىلىمي حيرۋرگيا ورتالىعى ەلىمىزدەگى كوپبەيىندى مەديتسينالىق كلينيكالارى اراسىندا جەتەكشى ورىن الادى. مۇندا حيرۋرگيالىق ەمنىڭ بارلىق ءتۇرى بار, سونداي-اق ترانسپلانتولوگيالىق كومەك كورسەتىلەدى.
ساپار قورىتىندىسى بويىنشا ا.تسوي ورتالىق جۇمىسىنىڭ ساپاسىن جوعارى باعالاپ, ۇجىمعا تابىس تىلەدى. سونىمەن قاتار دەنساۋلىق ساقتاۋ ءمينيسترى قازاق ونكولوگيا جانە راديولوگيا عىلىمي-زەرتتەۋ ينستيتۋتىنا دا باردى. مينيستر 18 جاسقا دەيىنگى بالالار بولىمشەسىنىڭ جۇمىسىمەن تانىستى. مەملەكەت-جەكەمەنشىك ارىپتەستىك اياسىندا اشىلعان زاماناۋي پەت/كت ورتالىعىن ارالاپ كوردى. قازاق ونكولوگيا جانە راديولوگيا عزي ونكولوگيالىق اۋرۋلاردىڭ الدىن الۋعا, ەرتە دياگنوستيكالاۋعا, ءتيىمدى ەمدەۋگە جانە وڭالتۋعا باعىتتالعان مەملەكەتتىك ساياساتتى ىسكە اسىرادى. ينستيتۋت كلينيكاسىندا جىل سايىن 8 500-دەن استام پاتسيەنت ەمدەلەدى, جىلىنا 1500-دەن استام حيرۋرگيالىق وپەراتسيا جاسالادى.
ينستيتۋتتا رەسپۋبليكا بويىنشا قاتەرلى ىسىكتىڭ بەلگىلى ءبىر ءتۇرىن ەمدەيتىن بىرەگەي بولىمشەلەر جۇمىس ىستەيدى. قازاق ونكولوگيا جانە راديولوگيا عزي قاتەرلى ىسىكتەردى دارىمەن ەمدەۋدىڭ زاماناۋي قاعيدالارى, سونىڭ ىشىندە تارگەتتىك تەراپيا, جوعارى دوزالى حيميوتەراپيا جانە يمۋنوتەراپيا كەڭىنەن قولدانىلادى. كلينيكا ىسىكتى تولىققاندى, جان-جاقتى دياگنوستيكالاۋ مەن ەمدەۋ ءۇشىن زاماناۋي جابدىقتارىمەن جابدىقتالعان. ينستيتۋت زەرتحاناسىندا جالپى كلينيكالىق زەرتتەۋدەن باستاپ مولەكۋلالىق-گەنەتيكالىق زەرتتەۋلەرگە دەيىن جاسالادى.
