ساقتانساق, ساۋ بولامىز

ۇستىمىزدەگى ايدا وبلىستا كورو­نا­­ۆيرۋسقا شالدىققان 63 ناۋقاس تىر­كەلگەن. ەپيدەميولوگ ماماندار جامان تۇماۋدىڭ باس كوتەرۋىنە تۇر­عىن­دار­دىڭ بۇرىنعىسىنشا بەلسەندى ءومىر داعدىسىنا ورالۋى, سانيتارلىق تالاپتاردى ورىنداماۋى سەبەپ بولىپ وتىرعانىن ايتۋدا.

– قازىرگى تاڭدا الەمنىڭ كوپتەگەن ەلدەرىندە ەپيدەميالىق جاعداي كۇردە­لە­نە تۇسۋدە. ەلىمىزدىڭ دەنساۋلىق ساقتاۋ مينيسترلىگىنىڭ مالىمەتتەرىنە سۇ­يەنسەك, تمد مەملەكەتتەرىنىڭ جارتى­سىن­دا كوروناۆيرۋسقا شالدىققان ناۋ­قاس­تار سانى قازاقستانعا قاراعاندا 11 ەسەگە كوپ. وبلىستاعى احۋال مۇقيات باقىلانۋدا. كوروناۆيرۋستىڭ كەڭ تارالۋىنىڭ الدىن الۋ ءۇشىن تىكەلەي ەپيدوشاقتارمەن جۇمىس جۇرگىزىلۋدە. جامان تۇماۋدان وبلىسىمىزدا 77 ادام كوز جۇمدى. بۇگىندە ستاتسيونار­لار­دا جانە ءۇي جاعدايىندا 142 ناۋقاس ەم قابىلداپ جاتىر. سەگىزىنىڭ جاع­دا­يى اۋىر. بىراق, وكپەنى جاساندى جەلدەتۋ اپپاراتىنا قوسىلعان ناۋ­قاس­تار جوق. وبلىس بويىنشا 565 ينفەك­تسيا­لىق توسەكتىك ورىن ازىرلەندى. قازىر ونىڭ 17 پا­­­يىزى قولدانىستا, دەيدى وبلىس اكىمىنىڭ ورىنباسارى اينا ءمىسىرالىموۆا.

سىبايلاس جەمقورلىققا قارسى ءىس-قيمىل اگەنتتىگى اقمولا وبلىسى بويىنشا دەپارتامەنتىنىڭ باسشى­سى مۇرات تولەۋباەۆ پاندەميا كەزەڭ­ىن­دە دارىحانالارعا مونيتورينگ جۇر­گى­زۋ كەزىندە ءدارى-دارمەك باعاسىن نە­گىزسىز قىمباتتاتۋدىڭ 32 دەرەگى انىق­تالىپ, 14 اكىمشىلىك حاتتاما تول­تى­رىلعانىن ايتۋدا. وبلىستىق تاۋارلار مەن كورسەتىلەتىن قىزمەتتىڭ ساپاسى مەن قاۋىپسىزدىگىن باقىلاۋ دەپار­تامەنتىنىڭ باسشىسى ايناگۇل مۋسي­نا ەلىمىزدىڭ سولتۇستىك وڭىرلەرىندە ەپي­دەميالىق احۋالدىڭ كۇردەلەنە تۇس­كە­نىنە الاڭداۋلى. 16 قازاننان باستاپ كارانتين شارالارى كۇشەيتىلدى. باس مەملەكەتتىك سانيتارلىق دارىگەردىڭ قاۋلىسىنا سايكەس, ساۋدا ورىندارىنىڭ جۇمىس ۋاقىتى شەكتەلدى. سونىمەن قا­تار دەمالىس كۇندەرى قوعامدىق كولىك­تەر جۇرمەيدى.

كوپسالالى وبلىستىق اۋرۋحاناسى كوروناۆيرۋس پاندەمياسى ناۋرىز ايىندا ەلىمىزدى دەندەي باستاعان تۇستان-اق اتالعان ىندەتپەن كۇرەستى بىردەن باستاپ, ونىڭ تاراپ كەتپەۋى ماقساتىندا جۇمىس ىستەگەن بولاتىن. وبلىستىڭ مەملەكەتتىك باس سانيتارلىق دارىگەرىنىڭ قاۋلىسىنا سايكەس, تەرى-ۆەنەرولوگيالىق ورتالىعى مەن كوكشەتاۋ مەديتسينالىق كوللەدجى جاتاقحاناسىنىڭ بازاسىندا جۇقپالى-پروۆيزورلىق, كارانتيندىك ستاتسيونارلار ۇيىمداستىرىلدى. ناۋرىز-مامىر ايلارىندا مۇندا 355 توسەكتىك ورىن اشىلىپ, ونىڭ 255-ءى كارانتيندىك, 100-ءى پروۆيزورلىق بولىمشەلەردە بولدى. جۇقپالى بولىمشەدە ىندەت جۇقتىرعاندىعى لابوراتوريالىق جولمەن, پتر تەستىمەن انىقتالعان ناۋقاستار ەمدەلسە, پروۆيزورلىق ورتا­لىق­تا ىندەت بەلگىلەرى بار ادامدار بولدى, كارانتيندىك بولىمشەدە ناۋقاس­تار­­مەن قارىم-قاتىناستا بول­عان­دار جات­قىزىلدى.

جۇقپالى-پروۆيزورلىق, كاران­تيندىك ستاتسيونارلار بارلىق سا­نيتار­لىق-ەپيدەميالىق نور­ما­لار­عا سايكەس, قالا ىشىندە بولسا دا, ماڭايىن­دا­عى ەشبىر مەكەمەمەن شەكتەسىپ, قوسىلمايدى. ارنايى بولەك كىرەتىن بەكەتتەرى, جەلدەتكىش جۇيەلەرى بار. ءبىر ەرەكشەلىگى, مەكەمەنىڭ ءار قاباتى ورتالىقتاندىرىلعان وتتەگىمەن قام­تۋ جۇيەسىمەن جابدىقتالعان. رەاني­ما­تسيالىق بلوك 11 جاساندى جەلدەتۋ اپپاراتتارىمەن جابدىقتالىپ, ستاتسيونار وتتەگى كونتسەنتراتتارىمەن, جىلجىمالى رەنتگەن اپپاراتى­مەن جاراقتاندىرىلعان. تاياۋدا قۋاتتىلىعى مينۋتىنا 300 ءليتردى قۇرايتىن وتتەگى كونتسەنتراتىن ساتىپ الۋعا وبلىستىق بيۋدجەتتەن قارجى ءبولىندى.

– قازىرگى ۋاقىتتا جوعارىدا اتالعان ەكى مەكەمەنى ورتالىقتاندىرىلعان وتتەگىمەن قامتۋ شارالارى قولعا الى­نىپ جاتىر. قاراشا ايىنىڭ سوڭىنا قاراي تەرى-ۆەنەرولوگيالىق ورتا­لىق پەن مەديتسينالىق كوللەدج جاتاق­حاناسى ورتالىقتاندىرىلعان وتتەگى جۇيەسىمەن تولىق قامتىلادى. ارنا­يى ستانسا قۇرىلدى. جالپى, وسى ورتا­لىقتاندىرىلعان وتتەگى جۇيە­سى­مەن قامتۋ ءۇشىن بيۋدجەتتەن شامامەن 100 ملن تەڭگەگە جۋىق قارجى قاراستىرىلدى, – دەيدى كوپسالالى وبلىستىق اۋرۋحانانىڭ باس دارىگەرى نۇرلان جاروۆ.

كوپسالالى وبلىستىق اۋرۋحانادا ىندەت دەندەگەن كەزدە ونىمەن كۇرەسۋگە 198 قىزمەتكەر جۇمىلدىرىلدى. ولاردىڭ 38-ءى دارىگەر, 86-سى ورتا مەدي­تسينالىق قىزمەتكەر, 74-ءى كىشى مەديتسينالىق پەرسونال. جالپى, 5 ناۋرىز بەن 15 قىركۇيەككە دەيىنگى ارالىقتا جۇقپالى-پروۆيزورلىق, كارانتيندىك ستاتسيونارلاردا باس-اياعى 2 040 ناۋقاس ەمدەلىپ شىققان. سونىڭ ىشىندە
257-ءى جۇقپالى, 934-ءى پروۆيزورلىق, 849-ى كارانتيندىك بولىمشەلەردە ەمدەلگەن.

ىندەت انىقتالعان ناۋقاستاردى جانە ولارمەن قارىم-قاتىناس جاساعان ادامداردى ستاتسيونارلارعا جاتقىزۋ ءۇشىن ارنايى قۇرال-جابدىقتارى مەن وقشاۋلاۋ كابينالارى بار كولىكتەر پايدالانىلىپتى. قازىرگى ۋاقىتتا ستاتسيونارلار ءدارى-دارمەك, وتتەگى كونتسەنتراتتارى, زارارسىزداندىرۋ سەكىلدى قورعانىس قۇرالدارىمەن تولىق قامتىلىپ, بىرنە­شە ايعا جەتەتىن قور جيناپ الدى. پان­دە­­ميانىڭ ەكىنشى تولقىنىنا دا­يىن ەكەندىكتەرىن جەتكىزگەن باس دارىگەر ءالى دە بولسا, دايىندىق جۇمىستارى كۇن سا­يىن جۇرگىزىلىپ جاتقانىن ايتىپ وتىر.

– ازىرگە ۋاقىتشا جابىق تۇرعان بۇل ستاتسيونارلار قاجەت بولا قالعان كەزدە مىندەتتى تۇردە قايتا اشىلىپ, ناۋقاستاردى قابىلدايتىن بولادى. دارىگەرلەر تاپشىلىعى قاشان دا وزەكتى ماسەلە, ونى ۆەدومستۆولىق باسقارما شاما-شارقى جەتكەنشە شەشىپ جاتىر. بيىل جوعارى وقۋ ورىندارىن تامامداعان ءبىرشاما جاس ماماندار قاتارىمىزعا قوسىلدى. وسىلايشا مامان تاپشىلىعىن ازايتىپ جاتىرمىز. كوپ قىزمەتشىلەردىڭ تاجىريبەلەرى قالىپتاسىپ قالدى. ەپيدەميامەن كۇ­رەس­كە ءازىرمىز, – دەيدى نۇرلان قايىر ۇلى.

ساقتىق ارتىق ەتپەيدى. وبلىستا اتقارىلىپ جاتقان دايىندىق جۇ­مىس­تا­رى العاشقى كەزەڭدەگى ولقىلىقتاردىڭ ورنىن تولتىرىپ, قاپىسىز قامدانۋدىڭ قاجەت­تىلىگىنەن تۋىنداعان دۇنيە. دەن­ساۋلىق ساقتاۋ سالاسىنىڭ باسشىلارى جاۋاپ­كەرشىلىكتى جەتە ءتۇسىنىپ, ءجىتى قيمىل­داپ وتىرعاندىعى كوڭىلگە مەدەۋ.

اقمولا وبلىسى