ەكولوگيا • 21 قازان، 2020

كاسپي تەڭىزىن قورعاۋدىڭ وزەكتى ماسەلەلەرى

180 رەت كورسەتىلدى

كاسپي تەڭىزى كۇتىمدى، كوڭىل اۋدارۋدى قاجەت ەتەدى. سۋ ايدىنىنىڭ تازالىعى – جاعالاۋىنداعى مەملەكەتتتەردىڭ ەكونوميكالىق قۋاتىنىڭ تىرەگى ءارى مادەنيەتىنىڭ كورسەتكىشى بولماق.

2003 جىلى 4 قاراشادا يران يسلام رەسپۋبليكاسىنىڭ استاناسى تەگەران قالاسىندا كاسپي تە­ڭىزى­نىڭ اينالاسىندا ءومىر سۇرەتىن بەس مەملەكەتتىڭ وكىلەتتى وكىلدەرى كاس­پي تەڭىزىنىڭ تەڭىز ورتاسىن قور­عاۋ جونىندەگى نەگىزدىك (تەگەران) كون­ۆەنتسياعا قول قويدى. وسى نەگىزدىك (تەگەران) كونۆەنتسياسى 2006 جىلى 12 تامىزدا كۇشىنە ەندى. كونۆەنتسيا نە­گىزىندە قوعامنىڭ نازارىن كاسپي تەڭىزىنىڭ نازىك قورشاعان ورتاسىن قورعاۋ ماسەلەسىنە اۋدارۋ ماقساتىندا 12 تامىزدى «كاسپي كۇنى» دەپ جاريالادى. وسى شەشىم نەگىزىندە «كاسپي كۇنى» 2008 جىلدان باستاپ بارلىق بەس مەملەكەتتە جىل سايىن «كاسپيدى ساقتايىق!» دەگەن تاقىرىپپەن ءوتىپ كەلەدى. بيىل «كاسپي كۇنى» قىركۇيەك جانە قازان ايلارى ارالىعىندا وتۋدە.

شارا تەڭىز جاعالاۋىنداعى اق­تاۋ قالاسىندا دا اتاۋسىز قالعان جوق. ماڭ­عىستاۋ وبلىسىنىڭ اكىمدىگى تەگەران كونۆەنتسياسىنىڭ حاتشىلىعىمەن، قازاق­ستان رەسپۋبليكاسىنىڭ ەكولو­گيا، گەولوگيا جانە تابيعي رەسۋرس­تار مينيسترلىگىمەن، سونداي-اق «سۋ باستا­مالارى ورتالىعى» قوعامدىق قورى­مەن بىرلەسىپ  «Zoom» پلاتفورماسى ارقىلى «كاسپي كۇنى – 2020» مەرەكەسى اياسىندا «كاسپي تەڭى­زىنىڭ ورتاسىن قورعاۋدىڭ وزەكتى ماسە­لەلەرى جانە ولاردى شەشۋ جولدارى» تاقىرىبىندا دوڭگەلەك ۇستەل ۇيىم­داستىردى.

ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى د.قۇسبەكوۆ، قر ەكولوگيا، گەولو­گيا جانە تابيعي رەسۋرستار مينيستر­لىگىنىڭ حالىقارالىق ىنتى­ماق­تاستىق دەپارتامەنتى ديرەكتو­رىنىڭ ورىنباسارى ب.كەرەي، قازاق­ستانداعى تەگە­ران كونۆەنتسياسىمەن ءوزارا بايلانىس جونىندەگى ۇلتتىق قىزمەتكەر، حالىق­ارالىق سۋدى باعالاۋ ورتالى­عىنىڭ ديرەكتورى س.احمەتوۆ، ەكو-امباسسادور ءا.قوزىباقوۆ، وبلىستىق ەكولوگيا دەپارتامەنتى جانە وزگە دە مۇددەلى تاراپتار قاتىسقان باسقوسۋدا كاسپي تەڭىزىنىڭ تەڭىز ورتاسىن قور­عاۋ بويىنشا ماڭعىستاۋ وبلىسىن­دا وتكىزىلەتىن شارالار، كاسپي تەڭى­زى­نىڭ قازاقستاندىق سەكتورىندا براكونەرلىكپەن كۇرەسۋ جۇرگىزۋ، كاس­پي ايماعىندا تەڭىز قوقىسىمەن كۇرەس جونىندەگى ءىس-شارالار جوسپارى، كاسپي تەڭىزىنىڭ قازاقستاندىق بولىگى مەن ونىڭ جاعالاۋ ايماعىنىڭ ەكوجۇيەسىن قورعاۋ جونىندەگى ونەر­­كاسىپتىك كاسىپورىندارمەن قا­بىل­داعان شارالار، «يتبالىقتى بىرگە قور­عايىق!» تاقىرىبىنداعى بالالار سۋ­رەتى بايقاۋىنىڭ قورىتىندىسى جانە تاعى باسقا وزەكتى ماسەلەلەر ايتىلدى.

شارانى ماڭعىستاۋ وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىندا وتكەن دوڭگەلەك ۇستەل بارىسىندا ەكو-امباسسادور ءا.قوزىباقوۆ، كاسپي يتبالىعىن وڭالتۋ ورتالىعىنىڭ ۆەتەرينار دارىگەرى ا.پروستەتوۆا جانە ماڭعىستاۋ وبلىسى سۋاستى اڭ­شىلار فەدەراتسياسىنىڭ وكىلدەرى ج.مەڭدىعالين جانە ە.حۆان قر ەكو­لوگيا، گەولوگيا جانە تابيعي رەسۋرستار مينيسترلىگى مەن ماڭعىستاۋ وبلىسىنىڭ اكىمدىگىنە ەكولوگيا­لىق احۋالدى جاقسارتۋ بو­يىنشا وزدەرىنىڭ ۇسىنىستارىن جەتكىزدى.

ولاردىڭ قاتارىندا تەڭىز استىن قوقىستان تازارتۋ، بەكىرە بالىقتار، يتبالىقتار جانە تاعى باسقا تەڭىز جانۋارلارىنا تونەتىن قاۋىپتىڭ الدىن-الۋ، براكونەرلىكپەن كۇرەس، سەنبى­لىكتەر وتكىزۋ، ۇگىت-ناسيحات جۇمىس­تارىن جۇرگىزۋ، تۇرعىنداردى، اسىرەسە جاستاردى كاسپي تەڭىزىن قورعاۋ باعىتىنداعى شارالارعا بەلسەندى تارتۋ ماسەلەلەرى ايتىلدى. 

«كاسپي كۇنى» اياسىندا تەڭىز­دىڭ مۇددەسى مەن قۇقىن قورعاپ اي­تىل­عان پىكىرلەر مەن ۇسىنىستار ازا­ماتتاردىڭ تەڭىز تاعدىرىنا بەيجاي قاراي الماي­تىن­دىعىن اڭعارتتى.

 

ماڭعىستاۋ وبلىسى

 

سوڭعى جاڭالىقتار

كوكەيدەگىنى ءدوپ باسقان

پىكىر • بۇگىن، 07:26

سقو «قىزىل ايماققا» ەندى

ايماقتار • كەشە

ۇقساس جاڭالىقتار