م.ابۋعاليەۆتىڭ ايتۋىنشا, باسپاناعا مۇقتاج 1986 جىلدان 2017 جىلعا دەيىنگى مەرزىمدى قوسا العاندا, اكىمدىكتەر كەزەگىنە تۇرعان قازاقستان رەسپۋبليكاسىنىڭ ازاماتتارىنان ءوتىنىش قابىلداۋدىڭ ءۇشىنشى كەزەڭى باستالادى. ەندى جوباعا 2016-2017جىلدار ارالىعىندا اكىمدىك كەزەگىنە تۇرعان ازاماتتار دا قاتىسا الادى.
– باعدارلاماعا قاتىسۋ ءۇشىن سوڭعى التى اي ىشىندەگى وتباسىنىڭ ءار مۇشەسىنە كەلەتىن وتباسىلىق تابىستىڭ ءبىر ايلىق كولەمى 3,1 كۇنكورىس دەڭگەيىنەن اسپايتىن ەڭبەك جانە كاسىپكەرلىك قىزمەتتەن تۇسەتىن كىرىستىڭ بولۋى تالاپ ەتىلەدى. ياعني, 2020 جىلى وتباسىنىڭ ءار مۇشەسىنە كەلەتىن تابىس كولەمى 101 271 تەڭگەدەن اسپاۋى ءتيىس.باعدارلامانىڭ ءبىرىنشى كەزەڭىندە 19 140 ءوتىنىش قابىلداندى, ونىڭ 6690 كەزەككە تۇرۋ داتاسىنا (1986-2010جج.) ساي كەلدى. ناتيجەسىندە جالپى كولەمى 6 ملرد استام تەڭگەگە 470 نەسيەلىك ءوتىنىش ماقۇلداندى. ال, باعدارلامانىڭ ەكىنشى كەزەڭىندە 18 770 ءوتىنىش قابىلداندى, ونىڭ 14 061 كەزەككە تۇرۋ داتاسىنا (2011-2015جج.) ساي كەلدى. ناتيجەسىندە جالپى كولەمى 14 ملرد استام تەڭگەگە 1031 نەسيەلىك ءوتىنىش ماقۇلداندى, – دەدى مەدەت ابۋعاليەۆ.
ايتا كەتەيىك, اكىمدىك كەزەگىندە تۇرعان ازاماتتار باعدارلاماعا قاتىسۋ تۋرالى جانە تولەم قابىلەتتىلىگىن باعالاۋ جونىندەگى وتىنىشتەرىن تەكwww.hcsbk.kz سايتى ارقىلى ەلەكتروندى تۇردە بەرە الادى. بۇل تۇرعىن ءۇي قۇرىلىس جيناق بانكىنىڭ كليەنتتەرىنە دە, ازىرگە بانكتەن سالىم اشىپ, كليەنتتەر قاتارىنا قوسىلىپ ۇلگەرمەگەن تۇرعىندارعا دا قاتىستى.
"اتالعان باعدارلاما بويىنشا تۇرعىن ءۇيدى تەك جاڭا سوعىلعان ۇيلەردەن عانا الۋعا بولادى. بۇل "5-10-20" باعدارلاماسى بويىنشا جەرگىلىكتى اكىمدىكتەر سوعىپ جاتقان نەسيەلىك تۇرعىن ۇيلەر مەن جەكە قۇرىلىس كومپانيالارى سوققان ۇيلەر سونداي-اق, "تۇرعىن ءۇي قۇرىلىسىنا كەپىلدىك بەرۋ قورى" اق كەپىلدىگى بار). "شاڭىراق" باعدارلاماسى بويىنشا پاتەر الۋعا بولاتىن قۇرىلىس كومپانيالارىنىڭ ءتىزىمىن www.hcsbk.kz سايتىنان جۇكتەپ الۋعا بولادى. اكىمدىكتەر سالعان نەسيەلىك تۇرعىن ۇيلەردىڭ 1 شارشى مەترى بويىنشا كەلەسى باعا مولشەرلەرى بەلگىلەنگەن: 240 مىڭ تەڭگەگە دەيىن – الماتى قالاسىندا, 220 مىڭ تەڭگەگە دەيىن – نۇر-سۇلتان قالاسىندا, 200 مىڭ تەڭگەگە دەيىن – شىمكەنت قالاسى مەن الماتى ماڭىنداعى ايماقتاردا, 180 مىڭ تەڭگەگە دەيىن – اقتوبە, اتىراۋ, اقتاۋ, تۇركىستان, قاراعاندى قالالارى مەن قاراعاندى وبلىسىندا, باسقا وڭىرلەردە – 160 مىڭ تەڭگەگە دەيىن", دەدى اقتاۋ قالالىق تۇرعىن-ءۇي قۇرىلىس جيناق بانكىنىڭ باسشىسى مەدەت ابۋعاليەۆ.
ءوتىنىش بەرۋ مەرزىمى 2020 جىلدىڭ 14قازان – 13قاراشا ارالىعىندا.
