ونىڭ ايتۋىنشا, بۇعان جەرگىلىكتى بيۋدجەت ەسەبىنەن قارجى ءبولىنىپ, جوعارى جىلدامدىقتى تالشىقتى وپتيكالىق ينتەرنەت جەلىسىن تارتۋ جۇمىستارى ءجۇرىپ جاتىر.
– بۇل ەلدى مەكەن اۋدان ورتالىعى قۇرىق اۋىلىنان 6 شاقىرىم قاشىقتىقتا ورنالاسقان. 114 تۇرعىن ءۇيى بار اۋىلدىڭ حالىق سانى 524 ادامدى قۇرايدى. 26 تۇرعىن ءۇي ينتەرنەت جەلىسىنە تولىقتاي قوسىلعان. ينتەرنەت جەلىسىن قوندىرۋعا 40-تان استام تۇرعىن ءوتىنىش ءبىلدىردى. جوسپار بويىنشا 15 كۇن ىشىندە ەلدى مەكەندى ينتەرنەت جەلىسىمەن قامتاماسىز ەتۋ قاجەتتىلىگى ورىندالدى. ەندىگى كەزەكتە مەكتەپ وقۋشىلارى ونلاين ساباقتارىن كەدەرگىسىز وقيتىن بولادى, – دەدى اۋىل اكىمى عابيت ساليحوۆ.
ايتا كەتەيىك, ماڭعىستاۋ ەلدى مەكەنىنە ينتەرنەت جەلىسىن تارتۋ جۇمىستارى اياقتالعاننان كەيىن, قۇرىق اۋىلىنان 11 شاقىرىم قاشىقتىقتا ورنالاسقان ستانتسيا ەرالى ەلدى مەكەنىنە تالشىقتى وپتيكالىق ينتەرنەت جەلىسىن تارتۋ جۇمىستارى باستالاتىن بولادى.
