قر قم قارجى مونيتورينگى كوميتەتىنىڭ ماڭعىستاۋ وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى ماڭعىستاۋ اۋىلىنىڭ تۇرعىنىنا قاتىستى جالعان قاراجاتتى ساقتاۋ جانە وتكىزۋ فاكتىسى بويىنشا قىلمىستىق ىسكە تەرگەۋ جۇرگىزدى.
"تەرگەۋ بارىسىندا ايىپتالۋشىنىڭ 2020 جىلدىڭ باسىنان تابىلعان 1500 اقش دوللارىنىڭ جالعان ەكەندىگىن بىلە وتىرا, ونىڭ 1000 اقش دوللارى سوماسىندا تانىستارىنا قارىزىن وتەگەندىگى انىقتالدى. قالعان 500 اقش دوللارىن مۇنايلى اۋدانىنىڭ, ماڭعىستاۋ ا. ورنالاسقان "حالىق بانك" ايىرباستاۋ كاسساسىندا ايىرباستاماق بولىپ, سول ۋاقىتتا ۇستالدى", دەلىنگەن حابارلامادا.
ماڭعىستاۋ وبلىسىنىڭ مۇنايلى اۋداندىق سوتىنىڭ ۇكىمىمەن اۋىل تۇرعىنى قر قىلمىستىق كودەكسىنىڭ 231-بابىنىڭ 2-بولىگى 2-تارماعى بويىنشا قىلمىستىق قۇقىق بۇزۋشىلىق جاساعانى ءۇشىن ايىپتى بولىپ تانىلىپ, 5 جىل باس بوستاندىعىنان ايىرۋ جازاسىنا تارتىلدى.
