پوليتسيا دەپارتامەنتىنىڭ مالىمەتىنشە, ولارعا 18 قازاندا تۇنگى ۋاقىتتا قوڭىراۋ كەلىپ تۇسكەن.
"102" پۋلتىنە قوڭىراۋ شالعان ادامنىڭ ايتۋىنشا, ءۇيدىڭ اۋلاسىندا بەلگىسىز ەر ادامدار باستاپقىدا داۋلاسىپ, ارتىنشا توبەلەسكەن. ناتيجەسىندە, ولاردىڭ بىرەۋى قۇلاپ, ەكىنشىسى قىلمىس ورنىنان جاسىرىنۋعا اسىققان. وقيعان ورنىنا كەلگەن دارىگەرلەر توبى ادام ءولىمىن انىقتادى. ونىڭ اتى-ءجونى بىردەن انىقتالدى. ول 1989 جىلعى ب ەسىمدى ەر ادام", دەدى پوليتسيا وكىلدەرى.
قىلمىستى جاسادى دەگەن كۇدىكپەن 1991 جىلعى ەر ادام ۇستالدى. ەر ادام قىلمىس جاساعانىن مويىنداپ, ۋاقىتشا ۇستاۋ يزولياتورىنا قاماۋعا الىندى.
بۇل دەرەكتى بوستاندىق اۋداندىق پوليتسيا باسقارماسى قىلمىستىق كودەكستىڭ 99-بابىنىڭ 1-بولىگى ("كىسى ءولتىرۋ") بويىنشا تەرگەپ جاتىر. تەرگەۋ بارىسى الماتى پوليتسيا دەپارتامەنتى باسشىلىعىنىڭ باقىلاۋىندا.
