«Egemen Qazaqstan» گازەتىنىڭ 14 قازانداعى سانىندا جارىق كورگەن «سىرداعى دايارلىق سايابىرلاپ قالعانداي...» اتتى ماقالادا قىزىلوردا وبلىسىنداعى ۆولونتەرلەردىڭ پاندەميا كەزىندە جۇمىلا اتقارعان جۇمىستارى جوعارى باعالانىپتى. راسىندا سول سىندارلى كەزەڭنەن ىرگەمىز ءبۇتىن, بەرەكەمىز بەكەم كۇيدە شىعۋعا ۆولونتەرلەر كوپ ەڭبەك ءسىڭىردى. سىر ەلىنىڭ ازاماتتارى ءوز كولىكتەرىمەن ناۋقاستانعاندارعا ءدارى-دارمەك, وتتەگى باللونىن تاسىپ, اۆتوۆولونتەرلىكتى قالىپتاستىرىپ, يگىلىكتى ءىستىڭ ءىزاشارى بولدى. كولىگى بار جىگىتتەر وزدەرى حابارلاسىپ, «قانداي كومەك كەرەك؟» دەپ سۇراپ, ءبىر قولدىڭ سالاسىنداي بولىپ ۇيىمداسىپ جۇمىس ىستەگەندە ولاردىڭ كوزىنەن شىن جاناشىرلىقتى بايقادىق. ءدارىحانالاردان كەرەگىن تابا الماعان اعايىندى دەمەۋدەن دە تىس قالمادى. كۇللى وبلىس تۇرعىندارىن باسى ارتىق دارىلەردى ءبىر ورتالىققا جيناستىرۋعا شاقىردى. ءسويتىپ جينالعان ءدارىنىڭ ءتىزىمىن الەۋمەتتىك جەلىلەرگە جاريالاپ, مۇقتاجدارعا جەتكىزىپ بەردى. بۇل ۆولونتەرلەر اتقارعان جۇمىستاردىڭ تەڭىزگە تامعان تامشىدايى عانا.
الايدا ماقالادا كەيىنگى ۋاقىتتا ۆولونتەرلەردى باعىتتاپ وتىرۋدى ۇمىت قالدىرعانداي دەپ ماقالا اۆتورىنىڭ جەرگىلىكتى بيلىكتى سىناي جازعان تۇسىنا تومەندەگىدەي مىسالداردى كەلتىرەر ەدىك.
تاعى دا حاكىم ابايعا جۇگىنسەك, «قارەكەت قىل, پايداسى كوپكە ءتيسىن» دەيدى. ماقالادا كورسەتىلگەن «جاڭارعان جاڭاقورعان جاستارى» ۆولونتەرلەر توبىنىڭ, قازالىلىق جاستاردىڭ باستامالارىن ءىلىپ اكەتىپ, باسقا اۋدانداردا دا اياسىن كەڭەيتۋ ءۇشىن جۇمىستار جاسالۋدا.
ۆولونتەر جىلى اياسىندا قىزىلوردا وبلىسىندا وڭىرلىك فرونت-وفيس پەن «Syr Volonterlary» ورتالىعى قۇرىلدى. ەرىكتىلەر شتابى 14 جالعىزباستى قارت پەن تىل ارداگەرىنىڭ ءۇي شارۋاشىلىعىنا, قالا اۋماعىنداعى مەشىتتەردىڭ تازالىق جۇمىستارىنا قولعابىس تيگىزدى. ۇبت-عا دايىندالعان تۇلەكتەرگە ماتەماتيكادان سەنبى سايىن 5 رەت تەگىن كۋرس, كەيىن ونلاين كۋرستار ۇيىمداستىرىلدى. زاڭگەرلىك كەڭەسكە مۇقتاجدارعا ادىلەت دەپارتامەنتىنىڭ ماماندارى جانە ەرىكتى زاڭگەرلەر تەگىن كونسۋلتاتسيا بەردى.
«دونور بول» اكتسياسى قان كەرەك بولعان ناۋقاستاردىڭ اياعىنان تىك تۇرۋىنا, «دالاتەكس» جشس باسشىسى د.ابىزوۆ ۇيىمداستىرعان تۇرعىندارعا 7 مىڭ ماسكا تاراتۋ باستاماسى پاندەميانىڭ باس كەزىندەگى قورعانىش قۇرالىنىڭ تاپشىلىعىن جويۋعا وڭ اسەر ەتتى.
كاسىپكەرلەردىڭ از قامتاماسىز ەتىلگەن وتباسىلارعا ازىق-ت ۇلىك تاراتۋ ىسىنە جۇمىلۋى, ءبىر عانا ماعجان ەراليەۆتىڭ 300 وتباسىنا قامقورلىق كورسەتۋى, كورشى وبلىستاعى ماقتاارالدىق اعايىننىڭ باسىنا تۇسكەن قيىندىققا بەيجاي قاراماۋى سىر بويىنداعى ۆولونتەرلىكتىڭ وزىندىك ارناسى قالىپتاسقانىن كورسەتسە كەرەك. ماقتاارالعا اتتانعان 10 اۆتوكولىكتەن تۇراتىن قايىرىمدىلىق كەرۋەنىن جاساقتاۋعا 30 باستاماشى توپ, 180 ۆولونتەر ەسەلى ەڭبەك ءسىڭىردى. اينالاسى از ۋاقىتتا 15 توننادان استام ازىق-ت ۇلىك, كيىم-كەشەك, قۇرال-جابدىق جينالىپ, جونەلتىلدى.
«قىزىلوردا ۆولونتەرلەرى» قوعامدىق قورىنىڭ ديرەكتورى ولگا چەباكوۆا پاندەميا ءورشىپ تۇرعان كەزدە قالا تۇرعىندارىنا, كاسىپكەرلەرگە تۇسىندىرمە جۇمىستارىن جۇرگىزدى. اقپاراتتىق پاراقشالار تاراتىپ, قوعامدىق ءتارتىپتىڭ ورىندالۋىن قاداعالادى. ۆولونتەرلەردى بىرىكتىرىپ, تۇراقتى تۇنگى رەيدتەر, قوعامدىق باقىلاۋ ۇيىمداستىردى.
ارينە سىر بويىنداعى ۆولونتەرلەر قوزعالىسىنىڭ اتقارعان جۇمىستارىن ءبىر ماقالادا تۇگەل قامتۋ مۇمكىن ەمەس. كوزىمىز جەتكەن ءبىر اقيقات – اۋىزبىرلىك, جاناشىرلىق, جانىڭداعى ادامدى جات كورمەيتىن باۋىرمالدىق قاسيەتتەر جويىلماعان ەكەن. سولاردىڭ ەڭ نەگىزگىلەرىن مىسالعا كەلتىرسەك, جىل باسىنان بەرى ۆولونتەرلەر 8451 مۇقتاج وتباسىنا الەۋمەتتىك كومەك كورسەتۋگە اتسالىستى. از قامتىلعان 4870 وتباسىنىڭ بالالارىنا وقۋ قۇرالدارى تابىستالدى. قۇربان ايت مەرەكەسىندە «اقمەشىت-سىرداريا» مەشىتى ۇيلەستىرگەن قىزىلوردا قالاسىنداعى 3830, اۋداندارداعى 3431 وتباسىنا قايىرىمدىلىق كومەك ۇلەستىرۋ شاراسىنا دا ۆولونتەرلەر جاردەمدەستى. «حيكمەت» قايىرىمدىلىق قورى دەمەۋشىلىك جاساعان 1000 وتباسىنا ازىق-ت ۇلىك تاراتۋ ىسىنە مەتسەناتتار, مەشىت قىزمەتكەرلەرى, اۆتوۆولونتەرلەر جۇمىلدى. پاندەميامەن كۇرەستە العى شەپتە جۇرگەن مەديتسينا قىزمەتكەرلەرىن جان-جاقتى قولداۋ ءۇشىن «مىڭ العىس» اكتسياسى ۇيىمداستىرىلىپ, 255 مەديتسينا قىزمەتكەرىنىڭ وتباسىنا ازىق-ت ۇلىك جەتكىزىلدى. اۋرۋحانالاردا ادام اماندىعى ءۇشىن ءۇزىلىسسىز ارپالىسقان 1700 مەدقىزمەتكەر ىستىق تاماقپەن قامتاماسىز ەتىلدى, 72 وتتەگى باللونى تاسىمالداندى. اكتسياعا 88 ۆولونتەر, 25 اۆتوۆولونتەر قاتىستى.
بۇل مالىمەتتەردى نە ءۇشىن كەلتىرىپ وتىرمىز؟
جۇرتشىلىق جۇقپالى ىندەتكە قاراماستان ەلدىڭ قامى, حالىقتىڭ دەنساۋلىعى ءۇشىن كۇرەسكەن ۆولونتەرلەردىڭ يگى ىستەرگە ءبىر كىسىدەي جۇمىلعانىن ءبىلۋى كەرەك. ۆولونتەرلەر ۇيلەستىرگەن شارۋالاردىڭ ارقاسىندا قانشاما يگىلىكتى ءىستىڭ اتقارىلعانىنا ۋاقىت تورەشىلىك جاسايتىنى انىق. ناعىز ازاماتتاردىڭ, ازاماتتىق قوعام بەلسەندىلەرىنىڭ, سىر ۆولونتەرلەرىنىڭ ەڭبەگى لايىقتى باعالاناتىنىن كۇن الدا دەپ ويلايمىز.
«Syr Volonterlary» ورتالىعى
قىزىلوردا وبلىسى
