بقو تج دەپارتامەنتى ءمالىم ەتكەنىندەي, 18 قازان كۇنى ساعات 01.28-دە ا.تايمانوۆ كوشەسى 58-مەكەنجايىندا ءورت شىققانى جونىندە حابار تۇسكەن. ءورت اۋماعى 80 شارشى مەتردى قامتىدى.
ء"تىلسىز جاۋ" دەپارتامەنت كۇشتەرىمەن (14 ادام, 4 تەحنيكا) ساعات 02.07-دە اۋىزدىقتالدى. ءورت ورنىنان قۇتقارۋشىلار 1 وتتەگى باللونى مەن 5 سىرا ىدىسىن (كەگا) شىعارىپ ۇلگەردى. زارداپ شەككەندەر جوق.
ء"اربىر تۇرعىن قۇتقارۋشىلار كەلگەنگە دەيىن نە ىستەۋ كەرەكتىگى جونىندەگى قاراپايىم ەرەجەنى ءبىلۋى ءتيىس. قازىرگى تاڭدا ءورت قاۋىپسىزدىگى بويىنشا اقپاراتتار كەڭىنەن تاراتىلۋدا. دەپارتامەنت الەۋمەتتىك جەلىلەردە وقىتۋ فيلمدەرى مەن مۋلتفيلمدەردى سالۋدا. مەكتەپتەردە ءورت سوندىرۋشىلەر مەن قۇتقارۋشىلاردىڭ قاتىسۋىمەن ساباقتار وتكىزىلۋدە. ەڭ باستىسى, ادامدار ءورت قاۋىپسىزدىگى ەرەجەسىن ساقتاي بىلسە, ءوز باسىنا دا, وزگەگە دە قاۋىپ توندىرمەيدى", دەدى دەپارتامەنتتىڭ ءزىلزالا قاتەرىن ازايتۋ جانە ازاماتتىق قورعاۋ سالاسىنداعى باقىلاۋ باسقارماسىنىڭ باستىعى ەرلان تورەگەلديەۆ.
